ഭാര്യ ഹസീനയ്ക്ക് ജന്മദിനാശംകളുമായി നടന്‍ നിയാസ് ബക്കര്‍. സോഷ്യല്‍ മീഡിയയില്‍ പങ്കുവെച്ച കുറിപ്പിലൂടെയാണ് നിയാസ് ആശംസകള്‍ നേര്‍ന്നത്.
'' എന്റെ ജീവിതത്തിലെ ഏറ്റവും മനോഹരമായ കൂട്ടുകാരിക്ക്... ഒരുപാട് സന്തോഷങ്ങളിലും ചെറിയ പിണക്കങ്ങളിലും, ജീവിതത്തിന്റെ ഓരോ വഴിത്തിരിവിലും കൂടെ നിന്നവള്‍. വലിയ വാക്കുകളൊന്നും പറയാനില്ല... നീ കൂടെയുണ്ടെന്നത് തന്നെയാണ് എന്റെ ഏറ്റവും വലിയ സന്തോഷം. എന്റെ പ്രിയപ്പെട്ടവള്‍ക്ക് ഹൃദയം നിറഞ്ഞ പിറന്നാള്‍ ആശംസകള്‍'', ഭാര്യയ്‌ക്കൊപ്പമുളള മനോഹര ചിത്രങ്ങള്‍ പങ്കുവെച്ച് നിയാസ് ബക്കര്‍ കുറിച്ചു.
സിനിമകളിലൂടെയും ടെലിവിഷന്‍ പരമ്പരകളിലൂടെയും മലയാളി പ്രേക്ഷകരുടെ പ്രിയങ്കരനായി മാറിയ താരമാണ് നിയാസ് ബക്കര്‍. മിമിക്രി രംഗത്തുനിന്നും അഭിനയ ലോകത്തേക്ക് എത്തിയ അദ്ദേഹം തന്റേതായ തനത് ഹാസ്യ ശൈലിയിലൂടെയാണ് പ്രേക്ഷകമനസ്സില്‍ ഇടംനേടിയത്.
മഴവില്‍ മനോരമയിലെ 'മറിമായം' എന്ന പരിപാടിയില്‍ അദ്ദേഹം അവതരിപ്പിച്ച കഥാപാത്രമാണ് നിയാസിന് വലിയ ജനപ്രീതിയും അംഗീകാരവും നേടിക്കൊടുത്തത്. മിമിക്രി, നാടകം, സിനിമ, ടെലിവിഷന്‍ ഷോകള്‍, സീരിയലുകള്‍ എന്നിങ്ങനെ അഭിനയത്തിന്റെ വിവിധ മേഖലകളില്‍ തന്റേതായ വ്യക്തിമുദ്ര പതിപ്പിക്കാന്‍ അദ്ദേഹത്തിന് സാധിച്ചിട്ടുണ്ട്.
Comments