അന്തരിച്ച ചലച്ചിത്ര- നാടക നടി സാവിത്രി ശ്രീധരന് ആദാരാഞ്ജലികള്‍ അര്‍പ്പിച്ച് പ്രതിപക്ഷ നേതാവ് പിണറായി വിജയന്‍. കോഴിക്കോടിന്റെ നാടകവേദികളിലൂടെ കടന്നുവന്ന് സിനിമാ പ്രേക്ഷകരുടെ പ്രിയപ്പെട്ട നടിയായി മാറാനും സാവിത്രി ശ്രീധരന് കഴിഞ്ഞുവെന്ന് പിണറായി വിജയന്‍ സമൂഹമാധ്യമങ്ങളില്‍ കുറിച്ചു.
'' പ്രശസ്ത നാടക - ചലച്ചിത്ര നടി സാവിത്രി ശ്രീധരന്റെ നിര്യാണത്തില്‍ അഗാധമായ ദുഃഖം രേഖപ്പെടുത്തുന്നു.
കോഴിക്കോടിന്റെ നാടകവേദികളിലൂടെ കടന്നുവന്ന് പതിറ്റാണ്ടുകളോളം അഭിനയരംഗത്ത് സജീവമായി നിന്ന അവര്‍, മലയാളികളുടെ ഹൃദയത്തില്‍ തനതായ ഇടം നേടിയ കലാകാരിയാണ്. നാടകരംഗത്തെ മികവാര്‍ന്ന സംഭാവനകള്‍ക്കൊപ്പം, സ്വാഭാവികമായ അഭിനയത്തിലൂടെ സിനിമാ പ്രേക്ഷകരുടെ പ്രിയപ്പെട്ട നടിയായി മാറാനും അവര്‍ക്ക് കഴിഞ്ഞു.
അരങ്ങിലും വെള്ളിത്തിരയിലും ഒരുപോലെ തിളങ്ങിയ ആ പ്രതിഭയുടെ വിയോഗം കേരളത്തിന്റെ സാംസ്‌കാരിക രംഗത്തിന് വലിയ നഷ്ടമാണ്. കുടുംബാംഗങ്ങളുടെയും സുഹൃത്തുക്കളുടെയും കലാലോകത്തിന്റെയും ദുഃഖത്തില്‍ പങ്കുചേരുന്നു. ആദരാഞ്ജലികള്‍''.- പിണറായി വിജയന്റെ വാക്കുകള്‍.
കോഴിക്കോട് പുലര്‍ച്ചെ നാലോടെയാണ് സാവിത്രി ശ്രീധരന്റെ അന്ത്യം. അസുഖ ബാധിതയായി ഏറെ നാളായി ചികിത്സയിലായിരുന്നു. സുഡാനി ഫ്രം നൈജീരിയ എന്ന ചിത്രത്തിലൂടെയായിരുന്നു സിനിമയില്‍ ശ്രദ്ധ ംേനടിയത്. ഇതേ ചിത്രത്തിലെ അഭിനയത്തിന് ദേശീയ തലത്തില്‍ പ്രത്യേക പരാമര്‍ശം ലഭിച്ചിരുന്നു. വൈറസ് (2019), ഡാകിനി ( 2018) എന്നിവയാണ് മറ്റ് പ്രധാന ചിത്രങ്ങള്‍.
Comments