മിനിസ്‌ക്രീന്‍ പ്രേക്ഷകര്‍ക്ക് ഏറെ സുപരിചിതരാണ് നടിയും ബിഗ് ബോസ് താരവുമായ അമേയ നായരും നടന്‍ ജിഷിന് മോഹനും. ഈ വര്‍ഷം മേയിലായിയാരുന്നു ഇരുവരുടെയും വിവാഹം.ഏറെ നാളായി പ്രണത്തിലായിരുന്നു ഇരുവരും ലിവ്-ഇന്‍ റിലേഷനിലായിരുന്നു. ഒന്നിച്ചുളള ജീവിതം വിജയമെന്ന് കണ്ടതോടെയാണ് ബന്ധം വിവാഹത്തിലേക്ക് നീങ്ങിയത്.
ഇപ്പോഴിതാ, അമേയയ്ക്ക് പിറന്നാള്‍ ആശംസകള്‍ നേര്‍ന്നുകൊണ്ട് ജിഷിന് സമൂഹമാധ്യമങ്ങളില്‍ പങ്കുവെച്ച കുറിപ്പാണ് ശ്രദ്ധനേടുന്നത്.ജീവിതമെന്ന മനോഹര യാത്രയില്‍ ഒപ്പം ചേര്‍ന്ന തന്റെ 'ബാര്‍ബി ഡോളിന്' ജന്മദിനാശംസകള്‍ എന്ന് കുറിച്ചുകൊണ്ടാണ് ജിഷിന് ചിത്രങ്ങള്‍ പങ്കുവെച്ചത്.
"ഹാപ്പി ബര്‍ത്ത് ഡേ ഡിയര്‍ ബാര്‍ബി ഡോള്‍ പൊണ്ടാട്ടി. മൂന്ന് വര്‍ഷം മുന്‍പ് ഞങ്ങളൊരുമിച്ച് ചെയ്ത ഒരു കേക്ക് കട്ട് കൈവിട്ടുപോയി വൈറലായിരുന്നു. അതുകൊണ്ട് പിന്നീട് ഒരുമിച്ചൊരു കേക്ക് കട്ട് ചെയ്യാന്‍ ഇതുവരെ പറ്റിയില്ല. എന്നാല്‍ ഇത്തവണ അവളുടെ പിറന്നാള്‍ ഞങ്ങള്‍ കളറാക്കിയിട്ടുണ്ട്.
ആദ്യത്തെ കേക്ക് കട്ടിനു ശേഷം വന്ന വര്‍ഷം എന്റെ ചേട്ടന്‍ വിട്ടുപിരിഞ്ഞിട്ട് ഒരു വര്‍ഷം തികഞ്ഞിരുന്നില്ല. കഴിഞ്ഞ വര്‍ഷം ഞാന്‍ ബിഗ്‌ബോസില്‍ ആയിരുന്നു, അപ്പോഴും ഒപ്പമിരുന്ന് ആഘോഷിക്കാൻ പറ്റിയില്ല. എന്നാല്‍ ഈ വര്‍ഷം അവള്‍ എന്റെ ഭാര്യയുമാണ്, അതുകൊണ്ട് തന്നെ ഒന്നിനും ഒരു കുറവും വരുത്താതെ ഞങ്ങളത് ഭംഗിയാക്കി. ജീവിതമെന്ന മനോഹര യാത്രയില്‍ ഒപ്പം ചേര്‍ന്ന എന്റെ ബാര്‍ബി ഡോളിന് ഹൃദയം നിറഞ്ഞ ജന്മദിനാശംസകള്‍..." എന്നായിരുന്നു ജഷിന്റെ വാക്കുകള്‍.
ബാര്‍ബി ഡോളിനെപ്പോലെ സുന്ദരിയായാണ് ചിത്രങ്ങളില്‍ അമേയ പ്രത്യക്ഷപ്പെടുന്നത്. നിരവധിപ്പേരാണ് പോസ്റ്റിന് താഴെ താരത്തിന് ആശംസകളുമായി എത്തിയത്. രസകരമായ വീഡിയോസ് പിന്നാലെ വരുമെന്നും എല്ലാവരുടെയും പിന്തുണ വേണമെന്നും ജിഷിൻ കുറിച്ചിട്ടുണ്ട്.
നടി വരദയായിരുന്നു ജിഷിന്റെ ആദ്യഭാര്യ. ഇരുവരുടെയും വിവാഹമോചനത്തിനുശേഷമാണ് ജിഷിന് അമേയയുമായി പ്രണയത്തിലാകുന്നത്. വിവാഹമോചനത്തിനു ശേഷം താൻ ഏറെ പ്രതിസന്ധികളിലൂടെയാണ് കടന്നുപോയതെന്നും അതില്‍ നിന്നെല്ലാം മാറ്റമുണ്ടായത് അമേയയുടെ വരവോടെയാണെന്നും ജിഷിന് മുന്‍പ് തുറന്നുപറഞ്ഞിരുന്നു. വരദയുമായുള്ള ബന്ധത്തിൽ ജിഷിന് ഒരു മകനുണ്ട്.
Comments