മിനിസ്‌ക്രീന്‍ പ്രേക്ഷകര്‍ക്ക് ഏറെ സുപരിചിതയാണ് നടി അമേയ നായര്‍. സോഷ്യല്‍ മീഡിയയിലും സജീവമായ താരം തന്റെ വിശേഷങ്ങളെല്ലാം ആരാധകരുമായി പങ്കുവെക്കാറുണ്ട്. ഇപ്പോഴിതാ തന്റെ പിറന്നാള്‍ ദിനത്തില്‍ അമേയ പങ്കുവെച്ച ചിത്രങ്ങളും കുറിപ്പുമാണ് ശ്രദ്ധനേടുന്നത്.
പിറന്നാള്‍ കേക്ക് കൈകളില്‍ പിടിച്ച് ബാര്‍ബി ഡോളിനെപ്പോലെയാണ് അമേയ ചിത്രങ്ങളില്‍ പ്രത്യക്ഷപ്പെടുന്നത്. "എന്റെ ജന്മദിനമായ ഇന്ന്, എല്ലാ പ്രതിസന്ധികളെയും നേരിടാന്‍ എന്നെ ശക്തയാക്കിയതിനും, ക്ഷമയോടെ ധൈര്യം തന്നതിനും ഞാന്‍ എന്നോട് തന്നെ നന്ദി പറയുകയാണ്. ഈ വര്‍ഷം മുഴുവന്‍ പല കാര്യങ്ങളും നടന്നു. എന്നെത്തന്നെ എപ്പോഴും മെച്ചപ്പെടുത്താന്‍ അവസരങ്ങള്‍ നല്‍കിയതിന് ഞാന്‍ ദൈവത്തോട് നന്ദിയുള്ളവളാണ്. എനിക്ക് ജന്മദിനാശംസകള്‍! എന്നെ സ്‌നേഹിക്കാന്‍ ഞാന്‍ ഒരിക്കലും മറക്കില്ല" എന്നായിരുന്നു ചിത്രങ്ങള്‍ക്കൊപ്പം അമേയ അടിക്കുറിപ്പായി നല്‍കിയത്.
"എന്റെ കഥ ഇപ്പോഴും എഴുതപ്പെട്ടുകൊണ്ടിരിക്കുകയാണ്, പേന എന്റെ കയ്യിലാണ്" എന്ന മറ്റൊരു വരിയും താരം പങ്കുവെച്ചിട്ടുണ്ട്. നിരവധിപ്പേരാണ് പോസ്റ്റിന് താഴെ താരത്തിന് പിറന്നാള്‍ ആശംസകള്‍ അറിയിച്ച് രംഗത്തെത്തിയത്.
നടന്‍ ജിഷിന്‍ മോഹനാണ് അമേയയുടെ ഭര്‍ത്താവ്. കഴിഞ്ഞ മേയ് മാസത്തില്‍ അടുത്ത സുഹൃത്തുക്കളുടെ സാന്നിധ്യത്തില്‍ ഗുരുവായൂരില്‍ വെച്ചായിരുന്നു ഇരുവരുടെയും വിവാഹം. വിവാഹ ചിത്രങ്ങള്‍ സോഷ്യല്‍ മീഡിയയിലൂടെ ഇരുവരും ആരാധകരുമായി പങ്കുവെക്കുകയും ചെയ്തിരുന്നു.
ഇരുവരുടെയും രണ്ടാം വിവാഹമാണിത്. നടി വരദയായിരുന്നു ജിഷിന്റെ മുന്‍ഭാര്യ. ഈ ബന്ധത്തില്‍ അവര്‍ക്കൊരു മകനുണ്ട്. അതേസമയം, ആദ്യ വിവാഹത്തില്‍ അമേയയ്ക്കും രണ്ട് മക്കളുണ്ട്. വിവാഹമോചനത്തിനുശേഷം താന്‍ ഏറെ പ്രതിസന്ധികളിലൂടെ കടന്നുപോയെന്നും, തന്റെ ജീവിതത്തിലേക്ക് അമേയ കടന്നുവന്നതോടുകൂടിയാണ് അതിനൊക്കെ മാറ്റമുണ്ടായതെന്നും ജിഷിന്‍ നേരത്തെ അഭിമുഖങ്ങളില്‍ വ്യക്തമാക്കിയിട്ടുണ്ട്.
Comments