വിനീത് ശ്രീനിവാസന്‍ സംവിധാനം ചെയ്ത ' മലര്‍വാടി ആര്‍ട്സ് ക്ലബ്ബ്' എന്ന സിനിമയിലൂടെ അഭിനയരംഗത്തേക്ക് എത്തിയ നടനാണ് ഭഗത് മാനുവല്‍. ആട് സീരീസിലെ ഭഗത്തിന്റെ കഥാപാത്രവും ഏറെ ശ്രദ്ധ നേടി. ഇപ്പോഴിതാ ഭാര്യയ്ക്ക് ജന്മദിനാശംസകള്‍ നേര്‍ന്ന് സോഷ്യല്‍ മീഡിയയില്‍ പോസ്റ്റ് പങ്കുവെച്ചിരിക്കുകയാണ് താരം.
''എന്റെ സുന്ദരിയായ ഭാര്യയ്ക്ക് ജന്മദിനാശംസകള്‍. നിന്നോടൊപ്പമുള്ള ജീവിതമാണ് എനിക്കേറ്റവും പ്രിയപ്പെട്ട സാഹസികയാത്ര. സ്‌നേഹവും ചിരിയും കൊണ്ട് നമ്മുടെ ദിനങ്ങളെ നിറച്ചതിന് നന്ദി. ഇന്നും എന്നും നിനക്കായി'', എന്നാണ് ഭഗത് മാനുവല്‍ കുറിച്ചത്. ഭാര്യയ്ക്കും മകനുമൊപ്പമുളള മനോഹര നിമിഷങ്ങളുടെ വീഡിയോയും താരം പങ്കുവെച്ചിട്ടുണ്ട്.
ഷെലിന്‍ ചെറിയാനാണ് ഭഗതിന്റെ ജീവിതപങ്കാളി. 2019ലായിരുന്നു ഭഗതും കോഴിക്കോട് സ്വദേശിനിയായ ഷെലിനും വിവാഹിതരായത്. ഇരുവരുടേയും രണ്ടാം വിവാഹമാണ്. മുന്‍ വിവാഹത്തില്‍ ഓരോ ആണ്‍മക്കളുണ്ട്. രണ്ടുപേരും ഇവര്‍ക്കൊപ്പമാണ്. സ്റ്റീവ് , ജോക്കുട്ടന്‍ എന്നിങ്ങനെയാണ് മക്കളുടെ പേര്.
Comments