ബ്ലൂടൂത്ത് സ്പീക്കർ തിരികെ ചോദിച്ചതിനെ ചൊല്ലി തർക്കം : നാലംഗ കുടുംബത്തെ കൊല്ലാൻ ശ്രമിച്ചയാള്‍ പിടിയില്‍

തൃശൂർ: കുട്ടികൾക്ക് നൽകിയ ബ്ലൂടൂത്ത് സ്പീക്കർ തിരികെ ചോദിച്ചതുമായി ബന്ധപ്പെട്ടുണ്ടായ തർക്കത്തിൽ ഒരു കുടുംബത്തിലെ നാലുപേരെ മണ്ണെണ്ണയൊഴിച്ച് തീകൊളുത്തി കൊലപ്പെടുത്താൻ ശ്രമിച്ച പ്രതി പോലീസിന്റെ പിടിയിലായി.

മതിലകം കളരിപ്പറമ്പ് സ്വദേശി കരുതവീട്ടിൽ രാംവിലാസിനെയാണ് (30) മതിലകം പൊലീസ് അറസ്റ്റുചെയ്തത്.കളരിപറമ്പ് കുന്നത്ത് വീട്ടിൽ സലീഷ്(40), ഭാര്യ, പ്രായപൂർത്തിയാകാത്ത ഇവരുടെ രണ്ട് പെൺമക്കൾ എന്നിവരെ ഇയാള്‍ ക്രൂരമായി ആക്രമിച്ചത്.കുട്ടികൾക്ക് ഡാൻസ് പരിശീലനത്തിനായി നൽകിയിരുന്ന സ്പീക്കർ തിരികെ ചോദിച്ചതാണ് പ്രശ്നത്തില്‍ കാലശിച്ചത്.