നടനും സോഷ്യല്‍ മീഡിയ ഇന്‍ഫ്ളുവന്‍സറുമായ അഖില്‍ എന്‍ആര്‍ഡിയുടെയും ഭാര്യ മേഘ നായരുടെയും വേര്‍പിരിയല്‍ സോഷ്യല്‍ മീഡിയയില്‍ വലിയ ചര്‍ച്ചയായിരുന്നു. മാസങ്ങളായി പരിചയമുള്ള മറ്റൊരാള്‍ക്കൊപ്പം മേഘ വീട് വിട്ട് പോകുന്നതിന്റെ സിസിടിവി ദൃശ്യങ്ങള്‍ വൈറലാവുകയും ചെയ്തിരുന്നു.
ഇപ്പോഴിതാ മേഘ പങ്കുവെച്ച ഏറ്റവും പുതിയ ഇന്‍സ്റ്റഗ്രാം റീലാണ് സോഷ്യല്‍ മീഡിയയില്‍ വീണ്ടും ചര്‍ച്ചയാകുന്നത്.കയ്യില്‍ ബാന്റേജുമായി ആശുപത്രിയില്‍ നില്‍ക്കുന്ന ദൃശ്യങ്ങളാണ് വീഡിയോയിലുള്ളത്.
'കുറച്ചൊക്കെ കൂടോത്രം ചെയ്യടാ..., ആരൊക്കെ എന്തൊക്കെ ചെയ്താലും ഞാന്‍ പന്തളം അയ്യപ്പന്റെ മണ്ണില്‍ ഹാപ്പിയാണ്' എന്നാണ് മേഘ വീഡിയോയ്ക്ക് അടിക്കുറിപ്പായി നല്‍കിയിരിക്കുന്നത്. 'മിഥുനം' സിനിമയിലെ ജഗതി ശ്രീകുമാറിന്റെ കൂടോത്രത്തെക്കുറിച്ചുള്ള കോമഡി ഡയലോഗാണ് വീഡിയോയുടെ പശ്ചാത്തലത്തില്‍ ഉള്‍പ്പെടുത്തിയിരിക്കുന്നത്.
എന്നാല്‍ കൈയ്ക്ക് എങ്ങനെയാണ് പരുക്കേറ്റതെന്ന് മേഘ വെളിപ്പെടുത്തിയിട്ടില്ല. റീല്‍ പ്രത്യക്ഷപ്പെട്ടതോടെ വിമര്‍ശിച്ചും അനുകൂലിച്ചും നിരവധി പേരാണ് പോസ്റ്റിന് താഴെ കമന്റുകളുമായി എത്തിയത്.
കൂടോത്രം അല്ല ഇതുവരെ ചെയ്ത കാര്യങ്ങള്‍ക്ക് മേഘയ്ക്ക് കിട്ടിയ കര്‍മ്മയാണെന്നാണ് അഖിലിനെ അനുകൂലിച്ചവര്‍ കുറിച്ചത്. മേഘനെ അനുകൂലിച്ചുളള കമന്റുകളും വീഡിയോയ്ക്ക് താഴെ കാണാം.
Comments