ബോളിവുഡിന്റെ പ്രിയപ്പെട്ട നടിയാണ് ആലിയ ഭട്ട്. ഇപ്പോഴിതാ സ്‌പെയിനിലെ മയോര്‍ക്കയില്‍ സുഹൃത്തുക്കള്‍ക്കൊപ്പം അവധിയാഘോഷിക്കുന്ന ആലിയയുടെ ചിത്രങ്ങളാണ് സമൂഹമാധ്യമങ്ങളില്‍ ശ്രദ്ധ നേടുന്നത്.
ആലിയയുടെ അടുത്ത സുഹൃത്തും നടിയുമായ ആകാന്‍ഷ രഞ്ജന്‍ കപൂറാണ് യാത്രാചിത്രങ്ങള്‍ ഇന്‍സ്റ്റഗ്രാമില്‍ പങ്കുവെച്ചത്. ആലിയയ്ക്കും ആകാന്‍ഷയ്ക്കുമൊപ്പം മേഘ്‌ന ഗോയല്‍, ദേവിക അദ്വാനി, തന്യ സാഹ ഗുപ്ത, റിയ ചാറ്റര്‍ജി എന്നിവരും സംഘത്തിലുണ്ട്.
കടല്‍ത്തീരത്ത് വിശ്രമിക്കുന്നതിന്റെയും യാട്ടിലും മോട്ടോര്‍ബോട്ടിലുമുളള യാത്രകളുടെയും മനോഹരമായ ദ്വീപിലെ കാഴ്ചകള്‍ ആസ്വദിക്കുന്നതിന്റെയും ചിത്രങ്ങള്‍ പങ്കുവെച്ചിട്ടുണ്ട്. നീലക്കടലിന്റെ കാഴ്ചകള്‍ ആസ്വദിച്ച് ബാല്‍ക്കണിയില്‍ ഇരിക്കുന്ന ആലിയയുടെ ചിത്രവും ശ്രദ്ധ നേടുന്നുണ്ട്.
മറ്റൊരു ചിത്രത്തില്‍ ആകാന്‍ഷയ്ക്കും മറ്റൊരു സുഹൃത്തിനുമൊപ്പം മോട്ടോര്‍ബോട്ടില്‍ യാത്ര ചെയ്യുകയാണ് ആലിയ. പാറക്കെട്ടുകള്‍ നിറഞ്ഞ കടല്‍ത്തീരത്ത് സുഹൃത്തുക്കള്‍ക്കൊപ്പം പോസ് ചെയ്യുന്ന ചിത്രവും കൂട്ടത്തിലുണ്ട്.
അതേസമയം ' ജിഗ്ര' യാണ് ആലിയയുടേതായി ഒടുവില്‍ പുറത്തിറങ്ങിയ ചിത്രം. തുടര്‍ന്ന് യശ് രാജ് ഫിലിംസിന്റെ സ്‌പൈ യൂണിവേഴ്‌സിന്റെ ഭാഗമായ ' ആല്‍ഫ' യിലും താരം അഭിനയിച്ചു. സഞ്ജയ് ലീല ഭന്‍സാലി സംവിധാനം ചെയ്യുന്ന ' ലവ് & വാര്‍' ആണ് ആലിയയുടെ അടുത്ത പ്രധാന ചിത്രങ്ങളിലൊന്ന്.
Comments