തിരുവനന്തപുരം: സംസ്ഥാനത്ത് അനധികൃതമായി അനേകം സ്പാകള്‍ പ്രവര്‍ത്തിക്കുന്നെന്ന് ആഭ്യന്തരമന്ത്രി രമേശ് ചെന്നിത്തല. യാതൊരു ലൈസന്‍ സുമില്ലാതെ ഒരു ബോര്‍ഡും വെച്ച് ഈ സ്പാകള്‍ പ്രവര്‍ത്തിക്കുകയാണ്. ഇതിനെല്ലാമെതിരെ അന്വേഷണം നടത്താന്‍ സംസ്ഥാന പൊലീസ് മേധാവിക്ക് നിര്‍ദേശം നല്‍കിയിട്ടുണ്ടെന്ന് വ്യക്തമാക്കി. സ്പായുടെ മറവില്‍ നിരവധി സാമ്പത്തിക തട്ടിപ്പുകളും സെക്സ് റാക്കറ്റും പ്രവര്‍ത്തിക്കുന്നതായി മനസിലാക്കുന്നു.
സ്പാകളുടെ മറവില്‍ നടക്കുന്ന നിയമവിരുദ്ധ പ്രവര്‍ത്തനങ്ങള്‍ പരിശോധിക്കാന്‍ കര്‍ശന നിര്‍ദേശം നല്‍കിയിട്ടുണ്ടെന്നും പറഞ്ഞു. കൊച്ചിയില്‍ ഇത്തരം സ്പാകളുടെ പ്രവര്‍ത്തനം ഏറെയാണെന്നും ഒരു ബോര്‍ഡും വച്ച് പ്രവര്‍ത്തനം നടത്തുന്നതാണ് പലതുമെന്നും പറഞ്ഞു. ഇതിനെതിരെ ഉടനടി നടപടി സ്വീകരിക്കും. കൊച്ചിയിലാണ് ഇത്തരം സംഘങ്ങള്‍ കൂടുതലെങ്കിലും ഇവര്‍ മറ്റ് സ്ഥലങ്ങളിലുമുണ്ടെന്നും പറഞ്ഞു. കളമശേരിയിലെ സ്പായിലെ കൂട്ടബലാത്സംഗ കേസിന്റെ പശ്ചാത്തലത്തിലായിരുന്നു അദ്ദേഹത്തിന്റെ പ്രതികരണം. മാനേജര്‍ ജോലി നല്‍കാമെന്ന് പറഞ്ഞ് അഭിമുഖം നടത്തിയ ശേഷം ജോലിക്കെത്താന്‍ ആവശ്യപ്പെട്ട് ലോഡ്ജില്‍ കൊണ്ടുപോയി മയക്കുമരുന്ന് നല്‍കി കൂട്ടബലാത്സംഗത്തിന് യുവതിയെ ഇരയാക്കുകയായിരുന്നു.
Comments