കൊച്ചി: മെറെന്ഡ്രൈവില് യുവതീയുവാക്കള്ക്ക് നേരേ ശിവസേന പ്രവര്ത്തകര് നടത്തിയ അതിക്രമത്തില് പ്രതിഷേധിച്ച് കെ.എസ്.യുവിന്റെ നേതൃത്വത്തില് നഗരത്തിലെ കലാലയങ്ങളിലെ വിദ്യാര്ഥികള് സദാചാര ചൂരല് വില്പ്പന നടത്തി. പ്രകടനമായി പോലീസ് കമ്മിഷണര് ഓഫീസിന് മുന്നിലെത്തിയ പ്രവര്ത്തകര് ചൂലും ചൂരലും പോലീസിന് സമര്പ്പിച്ചു. പോലീസ് നിഷ്ക്രിയമാണെന്നും സദാചാര പോലീസ് കളിക്കുന്നവരെ സംരക്ഷിക്കുന്ന പോലീസ് ഇത്തരം കേസുകളില് നടപടി എടുക്കാന് പോലും തയാറാവുന്നില്ലെന്ന് കെ.എസ്.യു. പ്രവര്ത്തകര് കുറ്റപ്പെടുത്തി.
ജില്ലാ പ്രസിഡന്റ് ടിറ്റോ ആന്റണി സമരം ഉദ്ഘാടനം ചെയ്തു. എസ്.എഫ്.ഐയും ശിവസേനയും ഒരു നാണയത്തിന്റെ ഇരു വശങ്ങളാണെന്ന് ടിറ്റോ ആരോപിച്ചു.യൂണിവേഴ്സിറ്റി കോളജിലും സംസ്കൃത സര്വകലാശാലയിലും സദാചാര പോലീസ് ചമഞ്ഞ് അതിക്രമം നടത്തിയ എസ്.എഫ്.ഐക്ക് മെറെന്ഡ്രൈവ് സംഭവത്തില് പ്രതിഷേധിക്കാന് അര്ഹതയില്ല. മെറെന്ഡ്രൈവില് പെണ്വാണിഭവും അനാശാസ്യവും നടക്കുന്നുണ്ടെങ്കില് നടപടി എടുക്കേണ്ടത് പോലീസാണ്.
പോലീസിന്റെ ജോലി ശിവസേന ഏറ്റെടുക്കേണ്ടതില്ല. പിങ്ക് പോലീസ് സംവിധാനം അടക്കം ശക്തിപ്പെടുത്തി ഇത്തരം പരാതികള് പരിഹരിക്കണമെന്നും കെ.എസ്.യു. ആവശ്യപ്പെട്ടു. ഭാരവാഹികളായ കെ. സേതുരാജ്, എ.എ. അജ്മല്, ഷാരോണ് പനയ്ക്കല്, ടിബിന് ദേവസി, എ.കെ. നിഷാദ്, വിവേക് എച്ച്. ദാസ്, കരിഷ്മ ജോജോ, ഷംസിത, കെ.എം. അനസ്, കെ.എച്ച്. അനീഷ് എന്നിവര് നേതൃത്വം നല്കി.
ശിവസേനയുടെ സദാചാരഗുണ്ടായിസത്തിനെതിരേ വിവിധ സംഘടനളുടെ നേതൃത്വത്തില് പ്രതിഷേധ ക്കടലിരമ്പി. രാവിലെ ആരംഭിച്ച പ്രതിഷേധം രാത്രി വരെ തുടര്ന്നു. ഡി.െവെ.എഫ്.ഐ, എസ്.എഫ്.ഐ, എ.ഐ.െവെ.എഫ്, കെ.എസ്.യു, ശാസ്ത്രസാഹിത്യ പരിഷത്ത്, ലോകോളജ് സ്റ്റുഡന്റ്സ് യൂണിയന്, കിസ് ഓഫ് ലൗ, യുവമോര്ച്ച, തെരുവോരം തുടങ്ങിയ സംഘടനകളുടെ പ്രവര്ത്തകരാണ് തെരുവിലിറങ്ങിയത്. െവെവിധ്യമാര്ന്ന പ്രതിഷേധത്തിനാണു മെറെന്ഡ്രൈവ് സാക്ഷ്യം വഹിച്ചത്. സമരക്കാര്ക്കു പുറമേ കാണികളായും നിരവധിപേര് എത്തി. അനിഷ്ട സംഭവങ്ങള് ഒഴിവാക്കാന് സിറ്റി പോലീസ് കമ്മിഷണറുടെ നേതൃത്വത്തില് വന് പോലീസ് സംഘവും നിലയുറപ്പിച്ചിരുന്നു.
പ്രതിഷേധക്കാരെ നേരിടാന് ഹനുമാന് സേന അടക്കമുള്ള സംഘടനകള് എത്തുമെന്ന അഭ്യൂഹത്തെ തുടര്ന്ന് സുരക്ഷാസംവിധാനം ശക്തമാക്കിയിരുന്നു. പോലീസ് രഹസ്യാന്വേഷണ വിഭാഗവും മഫ്തിയിലുള്ള സ്ത്രീ- പുരുഷ പോലീസ് ഉദ്യോഗസ്ഥരും മറൈന്ഡ്രൈവ് െമെതാനിയുടെ മുക്കിലും മൂലയിലും അണിനിരന്നു. ആടിയും പാടിയും ചിത്രങ്ങള് വരച്ചും തെരുവുനാടകങ്ങള് അരങ്ങേറിയുമാണ് പ്രതിഷേധിച്ചത്. ചുംബനം അടക്കമുളള സമരമുറകളുമുണ്ടായി. കനത്ത പോലീസ് സന്നാഹം ഏര്പ്പെടുത്തിയതിനാല് അവരെ തടയാന് മറ്റ് സംഘടനകളൊന്നും രംഗത്തെത്തിയില്ല.
കേരള ശാസ്ത്ര സാഹിത്യപരിഷത്തിന്റെ തെരുവ് നാടകത്തോടെയായിരുന്നു തുടക്കം. ജനസഞ്ചയത്തിന് നടുവില് യുവതിക്ക് നേരേ പെട്ടെന്നുണ്ടായ െകെയേറ്റം സമരക്കാരെയും കാണികളെയും ഒരു പോലെ സ്തംഭിപ്പിച്ചു. ഇവരുടെ അലര്ച്ച മുഴങ്ങിയപ്പോള് കൂടിനിന്നവര് പ്രതിഷേധം സംഘര്ഷത്തിലേക്ക് നീങ്ങുന്നുവെന്നാണ് കരുതിയത്. പിന്നീടാണ് തെരുവു നാടകത്തിന്റെ ഭാഗമാണിതെന്ന് തിരിച്ചറിഞ്ഞത്. ഇതോടെ, എല്ലാ കണ്ണുകളും പരിഷത്ത് പ്രവര്ത്തകരിലേക്ക് തിരിഞ്ഞു. സദാചാര ഗുണ്ടായിസം തുറന്നു കാട്ടുന്നതായിരുന്നു നാടകത്തിന്റെ പ്രമേയം. ആവിഷ്കാര സ്വാതന്ത്ര്യവും മതേതരത്വവും കശാപ്പ് ചെയ്യപ്പെടുന്ന നിരവധി രംഗങ്ങളുണ്ടായിരുന്നു.
ഇതേസമയത്ത് ''കിസ് ഒഫ് ലൗ'' പ്രവര്ത്തകര് മുള്ക്കീരിടമണിഞ്ഞ് പ്രതിഷേധവുമായെത്തി. എഴുത്തുകാര്, ചിത്രകാരന്മാര്, കലാകാരന്മാര്, ഭിന്നലിംഗക്കാര് തുടങ്ങി സമൂഹത്തിന്റെ വിവിധ തുറകളിലുള്ളവര് ഇവര്ക്കൊപ്പം ഉണ്ടായിരുന്നു. മെറെന്ഡ്രൈവിലെ തണല്മരത്തിന് കീഴെ ഇവര് ഒത്തുചേര്ന്നു. വര്ണക്കുടകള്ക്ക് കീഴെ യുവതീയുവാക്കള് ചേര്ന്നിരുന്നു. പിന്നീട് നാടന്പാട്ടുകളും കവിതകളുമായി അവര് പ്രതിഷേധാഗ്നി ഉയര്ത്തി. ഇതിനിടെ, നിരവധിപേരെ സാക്ഷി നിര്ത്തി പരസ്യചുംബനത്തിനും സംഘം തയാറായി. പ്രത്യേകം സ്ഥാപിച്ച പീഠത്തിന് മുകളിലേറി ഒരു ഡസനോളം പേരാണ് ചുംബനത്തിലേര്പ്പെട്ടത്.
ഇതേവേളയില് സദാചാര ഗുണ്ടായിസത്തിനെതിരേ പ്രതിഷേധവുമായി യൂത്ത് കോണ്ഗ്രസ് പ്രവര്ത്തകരുമെത്തി. അവര് മഴവില് പാലത്തിലാണ് തമ്പടിച്ചത്. മെറെന്ഡ്രൈവ് പ്രതിഷേധച്ചൂടില് അമര്ന്നിരിക്കെ സദാചാരഗുണ്ടായിസത്തിനും ചുംബന സമരത്തിനുമെതിരേ യുവമോര്ച്ച പ്രവര്ത്തകരുമെത്തി. പിണറായി സര്ക്കാരിന്റെ സ്പോണ്സേര്ഡ് പരിപാടികളാണ് കഴിഞ്ഞ ദിവസം ശിവസേന നടപ്പാക്കിയതെന്ന് അവര് കുറ്റപ്പെടുത്തി. കേരളത്തില് സി.പി.എമ്മിന്റെ ബി ടീമായാണ് ശിവസേന പ്രവര്ത്തിക്കുന്നതെന്നും പിണറായി മുഖ്യമന്ത്രി പദമേറ്റെടുത്തതിന് ശേഷം ശിവസേന ആഹഌദപ്രകടനം നടത്തിയത് മറക്കരുതെന്നും അവര് ചൂണ്ടിക്കാട്ടി.
രാവിലെ ഒന്പതിന് ആദ്യ പ്രതിഷേധവുമായെത്തിയത് എറണാകുളം ഗവ.ലോ കോളജിലെ വിദ്യാര്ഥികളായിരുന്നു. മെറെന്ഡ്രൈവിലെ ഇരിപ്പിടങ്ങളില് സ്ഥാനംപിടിച്ച വിദ്യാര്ഥികള് സദാചാരഗുണ്ടായിസം ഈ മണ്ണില് അനുവദിക്കില്ലെന്ന് പ്രഖ്യാപിച്ചു. ഉച്ചകഴിഞ്ഞ് മൂന്നിനു പ്രച്ഛന്ന വേഷധാരികളുടെ അകമ്പടിയോടെ പോലീസിനും സദാചാരക്കാര്ക്കുമെതിരേ കടുത്ത പ്രതിഷേധമുയര്ത്തി ഇവര് മെറെന് ഡ്രൈവ് നടപ്പാതയിലൂടെ പ്രകടനം നടത്തി. എ.ഐ.െവെ.എഫ്. പ്രവര്ത്തകര് െഹെക്കോടതി ജങ്ഷനില് പ്രവര്ത്തിക്കുന്ന ശിവസേന ആസ്ഥാനത്തേക്ക് മാര്ച്ച് നടത്തി. ജില്ലാ സെക്രട്ടറി എന്.അരുണിന്റെ നേതൃത്വത്തിലായിരുന്നു പ്രതിഷേധം. ഓഫീസിനടുത്ത് വച്ച് പ്രവര്ത്തകരെ പോലീസ് തടഞ്ഞു.
