ഇരിങ്ങാലക്കുട: ജിഷ്ണു കേസില് സര്ക്കാരിന് മനസാക്ഷിക്കുത്തില്ലെന്ന് മുഖ്യമന്ത്രി പിണറായി വിജയന്. കുടുംബത്തിന് നീതി ലഭിക്കുന്നതിന് വേണ്ട കാര്യങ്ങള് ചെയ്തു. പോലീസിന്റെ നടപടികള് പ്രചരിപ്പിച്ച് ആരും സര്ക്കാരിനെ വീഴ്ത്താമെന്ന് കരുതേണ്ട. തെറ്റായ പ്രതിച്ഛായ സൃഷ്ടിക്കുന്നവരുടെ കെണിയില് സര്ക്കാര് വീഴില്ലെന്നും പിണറായി പറഞ്ഞു.
തെറ്റായ പ്രചരണങ്ങള് സൃഷ്ടിക്കുനന് കെണിയില് വീഴാന് സര്ക്കാര് തയ്യാറല്ല. സര്ക്കാരും പോലീസും ജിഷ്ണുവിന്റെ കുടുംബത്തിനൊപ്പമാണ്. അതേസമയം തെറ്റായ നടപടികളോട് ദാഷണ്യമുണ്ടാകില്ലെന്നും പിണറായി വ്യക്തമാക്കി. ഇരിങ്ങാലക്കുടയില് വനിതാ പോലീസ് സ്റ്റേഷന് ഉദ്ഘാടനം ചെയ്ത് സംസാരിക്കുകയായിരുന്നു മുഖ്യമന്ത്രി.
അതിനിടെ മഹിജയ്ക്ക് എല്ലാ ചികിത്സാ സൗകര്യങ്ങളും നല്കണമെന്ന് മുഖ്യമന്ത്രി നിര്മദ്ദശം നല്കി. മെഡിക്കല് കോളജ് സൂപ്രണ്ടിനെ ഫോണില് വിളിച്ചാണ് നിര്ദ്ദേശം നല്കിയത്. ആരോഗ്യനില മോശമായതിനെ തുടര്ന്ന് മഹിജയെ ഐ.സി.യുവിലേക്ക് മാറ്റിയ സാഹചര്യത്തിലാണ് മുഖ്യമന്ത്രി നിര്ദ്ദേശം നല്കിയത്.
Comments