ലഖ്നൗ: ന്യൂനപക്ഷ സമുദായങ്ങളിലെ നിര്ധന കുടുംബങ്ങില് നിന്നുള്ള പെണ്കുട്ടികളുടെ സമൂഹവിവാഹം നടത്താനൊരുങ്ങി യോഗി ആദിത്യനാഥ് സര്ക്കാര്. ഉത്തര്പ്രദേശീലെ ജനസംഖ്യയില് 20 ശതമാനവും മുസ്ലിംങ്ങളാണ്. അതുകൊണ്ട് തന്നെ പദ്ധതിയുടെ ഗുണം ലഭിക്കുന്നവരില് ഭൂരിഭാഗവും മുസ്ലീം സമുദായം തന്നെയായിരിക്കും.
ന്യൂനപക്ഷകാര്യ മന്ത്രി മൊഹ്സിന് റാസയാണ് ഇതുസംബന്ധിച്ചുള്ള കാര്യങ്ങള് മാധ്യമങ്ങളോട് പറഞ്ഞത്. ന്യൂനപക്ഷ സമുധായങ്ങളില് നിന്നുള്ള പാവപ്പെട്ട പെണ്കുട്ടികളുടെ സമൂഹവിവാഹത്തിന് തീരുമാനമായിട്ടുണ്ടെന്നും സംസ്ഥാനസര്ക്കാരിന്റെ 100 ദിന കര്മ പദ്ധതികളില് ഇത് ഉള്പ്പെടുത്തിയിട്ടുണ്ടെന്നും അദ്ദേഹം പറഞ്ഞു.
ഓരോ പെണ്കുട്ടികള്ക്കും 20,000 രൂപ വീതം നല്കുമെന്നും ഇതിന് പുറമേ സമൂഹവിവാഹത്തിന്റെ എല്ലാ ചിലവുകളും സര്ക്കാര് വഹിക്കുമെന്നും മുസ്ലിംങ്ങളെ കൂടാതെ സിഖ്, ക്രിസ്ത്യന്, സമുദായ അംഗങ്ങള്ക്കും ഇതിന്റെ ഗുണം ലഭിക്കുമെന്നും അദ്ദേഹം പറഞ്ഞു.
