ന്യൂഡല്ഹി: മുന് മുഖ്യമന്ത്രിയും ഭരണപരിഷ്കരണ കമ്മിഷന് അധ്യക്ഷനുമായ വി.എസ്. അച്യുതാനന്ദന് ഡല്ഹിയിലെ കേരളാ ഹൗസില് ഇഷ്ടപ്പെട്ട മുറി നിഷേധിച്ചു. സി.പി.എം. കേന്ദ്ര കമ്മിറ്റി യോഗത്തില് പങ്കെടുക്കാനായി വി.എസ്. മകനോടൊപ്പമാണു ഡല്ഹിയിലെത്തിയത്. വരുന്ന വിവരം പത്തു ദിവസം മുമ്പുതന്നെ കേരളാ ഹൗസില് അറിയിച്ചിരുന്നു.
ഇന്നലെ െവെകുന്നേരം 4.15-നു കേരളാ ഹൗസില് എത്തിയപ്പോഴാണ് ഇഷ്ടപ്പെട്ട മുറി ലഭിക്കില്ലെന്നറിഞ്ഞത്. ആ സമയം വിദ്യാഭ്യാസ മന്ത്രി സി. രവീന്ദ്രനാഥ് ഈ സ്യൂട്ട് റൂം ഉപയോഗിക്കുകയായിരുന്നു. പകരം അനുവദിച്ച 104 -ാം നമ്പര് മുറി ഉപയോഗിക്കാന് വി.എസ്. വിസമ്മതിക്കുകയും ചെയ്തു.
മുഖ്യമന്ത്രിയായിരുന്നപ്പോഴും പ്രതിപക്ഷ നേതാവായിരുന്നപ്പോഴുമെല്ലാം ഡല്ഹി യാത്രയില് 204-ാം നമ്പര് മുറിയാണു വി.എസ്. ഉപയോഗിച്ചിരുന്നത്. ഇതു കിട്ടില്ലെന്നറിഞ്ഞതോടെ അദ്ദേഹം കേരളാ ഹൗസ് റസിഡന്റ് കമ്മീഷണറെ ബന്ധപ്പെട്ട് പരാതി പറഞ്ഞു. തുടര്ന്ന് വി.എസിന് ഇഷ്ട മുറി അനുവദിക്കുകയും ചെയ്തു.
വിദ്യാഭ്യാസ മന്ത്രിക്കു നാട്ടിലേക്കുള്ള വിമാനം െവെകിയതിനാല് വി.എസിനു വിശ്രമിക്കാന് 104-ാം നമ്പര് മുറി നല്കുകയായിരുന്നുവെന്നാണ് കേരളാ ഹൗസ് അധികൃതരുടെ പ്രതികരണം. സി.പി.എം. വിഭാഗീയതയില് വി.എസിനൊപ്പമായിരുന്ന കേരളാ ഹൗസ് സി.പി.എം. ഘടകം ഇപ്പോള് പിണറായി പക്ഷത്താണ്.
