വാഷിംഗ്ടണ്: അമേരിക്കന് പ്രസിഡന്റ ഡൊണാള്ഡ് ട്രംപിനും ഭാര്യ മെലാനി ട്രംപിനും വിവാദം പുത്തരിയൊന്നുമല്ല. അമേരിക്കന് പ്രസിഡന്റും പ്രഥമവനിതയും ഇതാദ്യമായി നടത്തിയ വിദേശ പര്യടനവും വിവാദമാക്കി ആഘോഷിക്കുകയാണ് അമേരിക്കയിലെയും വിദേശത്തെയും മാധ്യമങ്ങള്. കടുത്ത മതാചാരങ്ങള് സംരക്ഷിക്കപ്പെടുന്ന രാജ്യങ്ങള് സന്ദര്ശിച്ച മെലാനിയ ആ രാജ്യത്തെ മത വിശ്വാസത്തിനും പ്രോട്ടോകോളിനും നിരക്കാത്ത രീതിയില് വേഷ വിതാനത്തില് വരുത്തിയ മാറ്റങ്ങളാണ് ഇപ്പോള് വിഷയമായി മാറിയിരിക്കുന്നത്.
കടുത്ത മതവിശ്വാസം നില നില്ക്കുന്ന സൗദി അറേബ്യയില് കഴിഞ്ഞയാഴ്ച ട്രംപ് സന്ദര്ശനം നടത്തിയപ്പോള് ഒപ്പമുണ്ടായിരുന്ന മെലാനിയ തല മറയ്ക്കാതെ പ്രത്യക്ഷപ്പെട്ടത് വലിയ വാര്ത്താ പ്രാധാന്യം നേടിയിരുന്നു. സ്ത്രീകള് തല മറയ്ക്കണമെന്ന കര്ശന നിയമമുള്ള സൗദിയില് മത നിയമം ഒരു തരത്തിലും പാലിക്കാതെയായിരുന്നു മെലാനിയ സന്ദര്ശനത്തിന് എത്തിയത്. എന്നാല് കഴിഞ്ഞ ദിവസം വത്തിക്കാനില് പോപ്പിനെ സന്ദര്ശിച്ചപ്പോള് മെലാനിയ തലയില് നെറ്റ് ഇടുകയും ചെയ്തു.
വത്തിക്കാന്റെ പ്രോട്ടോകോള് പ്രകാരം പോപ്പിനെ സന്ദര്ശിക്കുമ്പോള് സ്ത്രീകള് കറുത്തതും കൈ നീളമുള്ളതുമായ കുപ്പായവും ശിരോവസ്ത്രം കൊണ്ട് തല മൂടുകയും ചെയ്യണമെന്നാണ് നിയമം പാലിക്കണമെന്ന് ട്രംപിന്റെ തീരുമാനം ആയിരുന്നു. എന്നാല് സൗദി അറേബ്യയില് ഗവണ്മെന്റ് മെലാനിയ ഹിജാബ് ധരിക്കണമെന്ന നിര്ബ്ബന്ധം പിടിച്ചില്ലെന്നും അധികാരികള് പറഞ്ഞു.
അതേസമയം വത്തിക്കാന് ഈ നിയമം നിര്ബ്ബന്ധപൂര്വ്വം നടപ്പാക്കിയിരുന്നില്ല. 2015 ല് ജര്മ്മന് ചാന്സലര് ആഞ്ജലാ മെര്ക്കല് ഈ മാസം സന്ദര്ശിച്ച ആംഗ് സാന് സ്യുകി എന്നിവര് ഉള്പ്പെടെ ഉയര്ന്ന റാങ്കിംഗിലുള്ള അനേകം സ്ത്രീകള് ശിരോ വസ്ത്രം കൂടാതെ വത്തിക്കാന് സന്ദര്ശിച്ചിരുന്നു. അമേരിക്കന് പ്രസിഡന്റിനൊപ്പം ഉണ്ടായിരുന്ന കടുത്ത കത്തോലിക്കാ വിശ്വാസിയായ മെലാനിയ തന്റെ മത നേതാവിനെ കാണുമ്പോള് അത് വിശ്വാസാനുസരണം ആയിരിക്കണമെന്ന് തിരിച്ചറിഞ്ഞിരിക്കാം.
വിവാഹത്തിന് മുമ്പ് ജൂദായിസത്തിലേക്ക് പരിവര്ത്തനം ചെയ്ത ഇവാന്ക ട്രംപ് ഉള്പ്പെടെ അമേരിക്കന് സംഘത്തിലെ എല്ലാ സ്ത്രീകളും ശിരോവസ്ത്രം ധരിച്ചിരുന്നു. അതേസമയം സൗദിയില് ശനിയാഴ്ച സന്ദര്ശനം നടത്തിയപ്പോള് ആ നാടിന് അനുസൃതമായ വേഷമായിരുന്നു മെലാനിയ ധരിച്ചത്. രണ്ടു ദിന സന്ദര്ശനത്തില് ഉന്നത സ്ഥാനീയരായ സ്ത്രീസന്ദര്ശകര് ധരിക്കണമെന്ന് പ്രോട്ടോകോളില് പറഞ്ഞിട്ടുള്ള കൈനീളമുള്ളതും കഴുത്തു മറയുന്നതും പാന്റ്സും വരുന്ന ശരീരം മുഴുവന് പൂര്ണ്ണമായും മൂടുന്ന വസ്ത്രമാണ് ധരിച്ചിരുന്നത്. എന്നിരുന്നാലും തല മറച്ചിരുന്നില്ല.
തല മറയ്ക്കുക, പാദരക്ഷ പുറത്തിടുക തുടങ്ങിയ നിയമങ്ങള് വരുന്ന മുസ്ളീങ്ങളുടെ വിശുദ്ധ ദേവാലയമോ മോസ്കുകളോ മെലാനിയ സന്ദര്ശിച്ചുമില്ല. സൗദിയിലെ സ്ത്രീകള് ധരിക്കുന്ന രീതിയില് ശരീരം മൂടുന്ന ഡ്രസ്സുകളാണ് ധരിച്ചിരുന്നതെങ്കിലും ഇവാന്കാ ട്രംപും ശിരോവസ്ത്രം ധരിച്ചില്ല. അതേസമയം പാശ്ചാത്ത്യ രാജ്യങ്ങളില് നിന്നുള്ള വനിതാ വിഐപികള് വരുമ്പോള് ശിരോവസ്ത്രം സാധാരണഗതിയില് ധരിക്കാറില്ല. നേരത്തേ 2015 ല് ഒബാമ സന്ദര്ശിച്ചപ്പോഴും പ്രഥമവനിത തല മറച്ചിരുന്നില്ല. പിന്നാലെ വന്ന ബ്രിട്ടീഷ് പ്രധാനമന്ത്രി തെരേസാ മെ യും മെര്ക്കലും സന്ദര്ശിച്ചപ്പോഴും തല മറഞ്ഞിരുന്നില്ല.
ഇതിന് മുമ്പ് ഇസ്രായേല് സന്ദര്ശിച്ചപ്പോഴും ജൂത പാരമ്പര്യം അനുസരിച്ച് സ്ത്രീകളും പുരുഷന്മാരും പ്രത്യേകകമായി പ്രാര്ത്ഥിക്കണമെന്നും തല മറയ്ക്കണമെന്നുമുള്ള നിയമം ട്രംപ് പാലിച്ചപ്പോള് മെലാനിയ അത് ചെയ്യാന് തയ്യാറായില്ല. പള്ളിയിലുണ്ടായിരുന്ന സകല ജൂത സ്ത്രീകളും തല മറച്ചപ്പോഴാണ് മെലാനിയ ഇങ്ങിനെ ചെയ്തത്. എന്നാല് വത്തിക്കാനിലാകട്ടെ മെലാനിയ തന്റെ മതനിയമവും പ്രേട്ടോകോളും കൃത്യമായി പാലിക്കാന് നിര്ബ്ബന്ധിതമാകുകയും ചെയ്യുകയായിരുന്നു.
