കൊട്ടാരക്കര: മന്ത്രവാദത്തിന്റെ പേരില് യുവതിയെ ദേഹോപദ്രവം ഏല്പിച്ച പൂജാരി ഓടനാവട്ടം മണികണ്ഠേശ്വരം വടക്കേക്കര വീട്ടില് ആദിഷ് (21) എന്നയാളെ മന്ത്രവാദം നടത്തുന്നതിനിടയില് പോലീസ് അറസ്റ്റു ചെയ്തു. കഴിഞ്ഞ ദിവസം രാത്രി 11ന് കൊല്ലം റൂറല് ജില്ലാ പോലീസ് മേധാവി എസ്. സുരേന്ദ്രന് ലഭിച്ച രഹസ്യ വിവരത്തിന്റെ അടിസ്ഥാനത്തില് കൊട്ടാരക്കര പോലീസാണ് അറസ്റ്റ് ചെയ്തത്.
ആവണീശ്വരം സ്വദേശിനിയായ 38 വയസുകാരിയെയാണ് പ്രതി ബാധയൊഴിപ്പിക്കല് എന്ന പേരില് ദേഹോപദ്രവം ഏല്പ്പിച്ചത്. കൊട്ടാരക്കര ചന്തമുക്കിന് സമീപം ലോട്ടസ് റോഡില് സ്ഥിതി ചെയ്യുന്ന കോവിലില് വച്ചാണ് യുവതിയുടെ ശരീരത്തില് നിന്നും ബാധയൊഴിപ്പിക്കാനെന്ന പേരില് ആഭിചാരക്രിയകളും ദേഹോപദ്രവവും ഏല്പ്പിച്ചത്. രണ്ടു വര്ഷത്തോളമായി പ്രതി ഇതേ കോവിലില് ജോലി നോക്കി വരുന്നു.
സംഭവവുമായി ബന്ധപ്പെട്ട് കൂടുതല് അന്വേഷണം തുടരുകയാണ്. അറസ്റ്റ് ചെയ്ത പ്രതിയെ കോടതിയില് ഹാജരാക്കി റിമാന്ഡ് ചെയ്തു. സംഭവത്തില് യുവതിയുടെ ബന്ധുക്കളുടേയും കോവില് ഭാരവാഹികളുടേയും പങ്കും പോലീസ് അന്വേഷിക്കുന്നുണ്ട്. സംഭവത്തിനിടെ അവശയായ യുവതിയെ പോലീസ് എത്തിയാണ് കൊട്ടാരക്കര താലൂക്ക് ആശുപത്രിയിലാക്കിയത്.
കൊട്ടാരക്കര ഡി.െവെ.എസ്.പി. ബി. കൃഷ്ണകുമാറിന്റെ നേതൃത്വത്തില് കൊട്ടാരക്കര പോലീസ് ഇന്സ്പെക്ടര് െഷെനു തോമസ്, കൊട്ടാരക്കര പോലീസ് സബ് ഇന്സ്പെക്ടര് സി.കെ. മനോജ്, പ്രൊബേഷന് സബ് ഇന്സ്പെക്ടര് ശ്രീകുമാര്, എസ്. സി.പി.ഒ. രമേശന്, അനില് കുമാര്, ജയന്, സി.പി.ഒ. ഗോപന്, വനിതാ സി.പി.ഒ മാരായ ജ്യോതി, മഞ്ജു, മറിയക്കുട്ടി എന്നിവര് ചേര്ന്നാണ് പ്രതിയെ അറസ്റ്റ് ചെയ്തത്.
