പെരിന്തല്മണ്ണ: 3,22,27500 രൂപയുടെ നിരോധിച്ച 500,1000 രൂപയുടെ നോട്ടുകളുമായി അഞ്ചംഗ സംഘം പെരിന്തല്മണ്ണയില് അറസ്റ്റില്. നോട്ട് കടത്താന് ഉപയോഗിച്ച ആഡംബര കാറും െബെക്കും പ്രത്യേക അന്വേഷണ സംഘം പിടിച്ചെടുത്തു.
നാദാപുരം ചാലപ്പുറം ഒതിയാത്ത് ഷംസുദ്ദീന് എന്ന ഷംസു(42), കൊളത്തൂര് കുറുപ്പത്താല് പൂവാലപ്പടി വീട്ടില് മുഹമ്മദ് ഇര്ഷാദ്(22), കുറുപ്പത്താല് കുന്നിന്പുറത്ത് വീട്ടില് മുഹമ്മദ് നജീബ്(26), കോഴിക്കോട് പുതിയങ്ങാടി സ്വദേശി ചന്ദ്രാലയം വീട്ടില് റിജു(37), പന്നിയങ്കരസ്വദേശി ഹാഷിം മന്സിലില് ഹാഷിം(32) എന്നിവരാണ് പിടിയിലായത്.
കോഴിക്കോടുനിന്ന് നിരോധിച്ച കറന്സി പാലക്കാട്ടേക്കു കൊണ്ടുപോവുന്നുണ്ടെന്ന രഹസ്യവിവരത്തിന്റെ അടിസ്ഥാനത്തിലാണ് കഴിഞ്ഞദിവസം െവെകിട്ട് 7.30ന് പെരിന്തല്മണ്ണ തറയില് ബസ് സ്റ്റാന്ഡ് പരിസരത്തു വെച്ച് സംഘത്തെ പിടികൂടിയത്.
ജില്ലാ പോലീസ് മേധാവി ദേബേഷ്കുമാര് ബെഹ്റയ്ക്കാണ് രഹസ്യസന്ദേശം ലഭിച്ചത്. രജിസ്ട്രേഷന് നമ്പറടക്കമാണു വിവരം ലഭിച്ചത്. നിരോധിച്ച നോട്ടുകള് തിരിച്ചടയ്ക്കാനുള്ള കാലാവധി അവസാനിക്കാനിരിക്കെയാണു നിരോധിത നോട്ടുകളുടെ വലിയ ശേഖരം പിടികൂടിയത്.
നിരോധിത നോട്ടുകളുടെ വിപണനത്തിനായി ഒരു സംഘം സംസ്ഥാനത്തു പ്രവര്ത്തിക്കുന്നതായുള്ള രഹസ്യവിവരത്തെ തുടര്ന്ന് ജില്ലാ പോലീസ് മേധാവിയുടെ നേതൃത്വത്തില് പ്രത്യേക അന്വേഷണ സംഘം ഇവര്ക്കായി വല വിരിച്ചിരുന്നു. അന്വേഷണ സംഘം മഫ്ടിയില് ഇടനിലക്കാരായി പ്രവര്ത്തിച്ച് നടത്തിയ ഓപ്പറേഷനിലാണ് സംഘത്തെ പിടികൂടിയത്.
ഇവര്ക്ക് തമിഴ്നാട്, കര്ണാടക എന്നിവിടങ്ങളിലെ ലോബിയുമായുള്ള ബന്ധത്തെക്കുറിച്ചും ഹവാല ഇടപാടുകളെക്കുറിച്ചും കൂടുതല് അന്വേഷണം െസെബര് സെല്ലിന്റെ സഹായത്തോടെ നടത്തുമെന്ന് ജില്ലാ പോലീസ് മേധാവി ദെബേഷ്കുമാര് ബെഹ്റ, എ.എസ്.പി സുജിത്ദാസ്, ഡിെവെ.എസ്.പി: എം.പി. മോഹന ചന്ദ്രന് എന്നിവര് അറിയിച്ചു.
പിടിയിലായവരെ കോടതിയില് ഹാജരാക്കി. അന്വേഷണ സംഘത്തില് സി.ഐ. സാജു കെ. അബ്രഹാം, ടൗണ് ഷാഡോ ടീം അംഗങ്ങളായ എസ്.ഐ നരേന്ദ്രന്, അഡീഷണല് എസ്.ഐ: കെ. സുരേന്ദ്രന്, എ.എസ്.ഐ: സി.പി മുരളി, പി.എന് മോഹനകൃഷ്ണന്, എന്.ടി കൃഷ്ണകുമാര്, ദിനേശ് കിഴക്കേക്കര, മോഹന്ദാസ് പട്ടേരിക്കളം, എം. മനോജ്, രത്നാകരന് എന്നിവരുമുണ്ടായിരുന്നു.
