നായകന് വിരാട് കോഹ്ലിയും പരിശീലകന് അനില് കുംബ്ളേയും തമ്മിലുള്ള പോരില് ചാമ്പ്യന്സ് ട്രോഫി ക്രിക്കറ്റില് ഇന്ത്യയ്ക്ക് നല്കേണ്ടി വന്നത് കനത്ത വിലയായിരുന്നു. ഒടുവില് ഇംഗ്ളണ്ടില് നിന്നും അനില് കുംബ്ളേ രാജി സമര്പ്പിച്ചതോടെ ഇന്ത്യയ്ക്ക് പരിശീലകനില്ലാതെ വെസ്റ്റിന്ഡീസില് കളിക്കേണ്ടിയും വന്നു. ഒരു പക്ഷേ അനില് കുംബ്ളേ എന്ന പരിശീലകന് കാലം കരുതിവെച്ച തിരിച്ചടിയായിരിക്കാം ഇത്.
ഇന്ത്യയ്ക്ക് വേണ്ടി കളിച്ചിരുന്ന ലോകത്തെ മൂന്നാം നമ്പര് സ്പിന്നറായിരുന്ന കാലത്ത് പരിശീലസ്ഥാനത്ത് നിന്നും കപിലിനെയും സന്ദീപ് പാട്ടിലിനേയും മറിച്ചിടാന് നിന്ന മുതിര്ന്ന താരങ്ങളില് ഒരാള് കുംബ്ളേ ആയിരുന്നു. ക്രിക്കറ്റ് ഒരു മതമായി മാറിയിട്ടുള്ള ഇന്ത്യയില് പരിശീലകരുടെ ഒട്ടേറെ തല ഉരുണ്ടിട്ടുണ്ട്. കളിക്കാര് മേലാളന്മാരായ ഇന്ത്യന് ക്രിക്കറ്റില് ബിഷന് സിംഗ് ബേദി മുതല് സന്ദീപ് പട്ടിലും, മദന്ലാലും, വിദേശ പരിശീലകനായ ഗ്രെഗ് ചാപ്പലും വരെ കളിക്കാരുമായുള്ള വഴക്കിലാണ് പുറത്ത് പോയത്.
1990 ല് ബിഷന്സിംഗ് ബേദി
1990 ലെ ന്യൂസിലന്റ് പര്യടനത്തിലും ഇംഗ്ളണ്ടിലേക്കും മാനേജര്/പരിശീലകന് പദവി നിര്വ്വഹിച്ചത് ബിഷന്സിംഗ് ബേദിയായിരുന്നു. എന്നാല് ത്രിരാഷ്ട്ര ക്രിക്കറ്റില് ക്രൈസ്റ്റ്ചര്ച്ചില് നടന്ന ഓസ്ട്രേലിയയ്ക്കെതിരേയുള്ള കളി 18 റണ്സിന് തോറ്റതോടെ ബേദി തെറിച്ചു. 187 റണ്സ് പിന്തുടര്ന്ന ടീം തോറ്റതിന് പിന്നാലെ 'ഈ ടീമിനെ പസഫിക്കില് കൊണ്ടുപോയി തട്ടണം' എന്ന് നടത്തിയ കമന്റാണ് തിരിച്ചടിയായത്. ബേദിക്ക് പകരക്കാരനായി പിന്നീട് ടീമില് എത്തിയതാകട്ടെ അശോക് മങ്കാദും.
അബ്ബാസ് അലി ബെയ്ഗ്: 1991
അടുത്ത ഊഴം അബ്ബാസ് അലി ബെയ്ഗിനായിരുന്നു. 1991/92 ഓസ്ട്രേലിയന് പര്യടനത്തില് അഞ്ചില് നാലു ടെസ്റ്റുകളും തോറ്റതിന് പുറമേ 1992 ലോകകപ്പില് സെമിഫൈനലില് കടക്കാതെ ടീം പുറത്താകുകയും ചെയ്തു. ടീം സമ്പൂര്ണ്ണമായി പുറത്തായതിന് ബലിയാടായതാകട്ടെ അബ്ബാസ് അലിയുമായിരുന്നു. പുറമേ നായകന് മൊഹമ്മദ് അസ്ഹറുദ്ദീനും പരിശീലകനും തമ്മിലുള്ള പടല പിണക്കം മൂര്ച്ഛിക്കുകയും ചെയ്തതോടെ ബെയ്ഗിന് പകരക്കാരനായി അജിത് വഡേക്കര് എത്തി.
സന്ദീപ് പാട്ടീല്: 1996
1996 ലോകകപ്പില് അജിത് വഡേക്കറിന്റെ അസിസ്റ്റന്റ് മാനേജരായിരുന്നു സന്ദീപ് പാട്ടീല്. നവ്ജ്യോത് സിംഗ് സിദ്ധുവും മൊഹമ്മദ് അസ്ഹറുദ്ദീനും തമ്മിലുള്ള വഴക്ക് നടന്ന ഇംഗ്ളണ്ടില് ടീം കോച്ച് ഇദ്ദേഹമായിരുന്നു. സച്ചിന്റെ ക്യാപ്റ്റന്സിയില് ശ്രീലങ്ക, ഓസ്ട്രേലിയ, സിംബാബ്വേ എന്നിവര്ക്കൊപ്പം കളിച്ച ടൂര്ണമെന്റില് ഓസ്ട്രേലിയയ്ക്കെതിരേ നടന്ന മത്സരത്തില് കാര്യങ്ങള് വഷളായി. മഴ കാരണം 45 ഓവറായി ചുഒരുക്കിയ മത്സരത്തില് ഓവര് റേറ്റില് ഓസ്ട്രേലിയ ഏറെ പിന്നില്. ഇന്ത്യയ്ക്ക് ഒമ്പതു വിക്കറ്റുകള് വീണു. കാര്യങ്ങള് ഇന്ത്യയ്ക്ക് അനുകൂലമായി നീങ്ങുമ്പോള് കുംബ്ളേ മാര്ക്ക്വോയെ ഉയര്ത്തിയടിച്ചു സ്റ്റീവ് വോയ്ക്ക് ക്യാച്ച്. നിരുത്തരവാദിത്വപരമായ ഈ പുറത്താകല് സന്ദീപ് പാട്ടീലിനെ ഏറെ ചൊടിപ്പിച്ചു. കുംബ്ളേയ്ക്കെതിരേ തുറന്നടിച്ചു. ഇത് തെന്ഡുല്ക്കര് അടക്കമുള്ള സീനിയര് താരങ്ങളുടെ ഇഷ്ടക്കേടിന് കാരണമായി. പിന്നാലെ ടെറന്റോയില് സഹാറാ കപ്പില് പാകിസ്താനോടുള്ള തോല്വി കൂടിയായപ്പോള് പാട്ടീല് തെറിച്ചു.
മദന്ലാല് : 1996-97
നായകന് സച്ചിനുമായി മദന്ലാലിന്റെ തുടക്കം മികച്ചതായിരുന്നു. ഓസ്ട്രേലിയയ്ക്ക് എതിരേ ടെസ്റ്റ് ജയം, ദക്ഷിണാഫ്രിക്ക കൂടി ഉള്പ്പെട്ട ത്രിരാഷ്ട്ര പരമ്പരയില് ജയം. എന്നാല് ദക്ഷിണാഫ്രിക്കയ്ക്ക് എതിരേ ഈഡന്സ് ഗാര്ഡനിലെ മൂന്നാം ടെസ്റ്റ് മുതല് കാര്യങ്ങള് വഷളായി. രണ്ടാം ദിവസം ബ്രയന് മക്മില്ലന്റെ ഒരു ബൗണ്സര് കൈമുട്ടില് കൊണ്ട് രണ്ടാം ദിവസം അസ്ഹറുദ്ദീന് റിട്ടയേഡ് ഹര്ട്ടായി. എന്നാല് ബാറ്റ് ചെയ്യാന് പേടിച്ച് അസ്ഹര് ഇറങ്ങാത്തതാണെന്ന് മദന്ലാല് ആരോപിച്ചു. മൂന്നാദിവസം എന്നാല് അദ്ദേഹം ബാറ്റ് ചെയ്യുകയും 77 പന്തില് 109 റണ്സ് എടുക്കുകയും ചെയ്തു. എന്നാല് ഇന്ത്യയുടെ ദക്ഷിണാഫ്രിക്കന് പര്യടനത്തില് 2-0 നായിരുന്നു ടെസ്റ്റ് പരമ്പരയിലെ തോല്വി. പിന്നാലെ വെസ്റ്റിന്ഡീസില് പോയി ടെസ്റ്റും ഏകദിനവും തോറ്റു. ഇതിന് പിന്നാലെ എഷ്യാ കപ്പും ശ്രീലങ്കയ്ക്ക് എതിരേയുള്ള ഏകദിന പരമ്പരയും തോറ്റു. ടൊറന്റോയില് സഹാറാകപ്പില് പാകിസ്താന് 4-1 ന് തകര്ത്തുവിടുകയും ചെയ്തു. തോല്വി മദന്ലാലിന്റെ വീഴ്ചയിലേക്ക് നയിച്ചു.
കപില്ദേവ് 1999-2000
മദന്ലാലിന് പിന്നാലെയെത്തിയ കപില്ദേവിന് കീഴില് രണ്ടാമത് നായകനായ സച്ചിന് തെന്ഡുല്ക്കര് ഒരിക്കലും ഓര്ക്കാന് ആഗ്രഹിക്കാത്ത കാലമായിരുന്നു അത്. ന്യൂസിലന്റിനെ തോല്പ്പിച്ചു കൊണ്ട് നാട്ടിലെ ടെസ്റ്റ് ഏകദിന പരമ്പരകള് സ്വന്തമാക്കി ആരംഭിച്ച ഇന്ത്യ പക്ഷേ ഓസ്ട്രേലിയയോട് മൂന്ന് ടെസ്റ്റുകള് തോറ്റു. ദക്ഷിണാഫ്രിക്ക കൂടി പങ്കാളികളായ ത്രിരാഷ്ട്ര പരമ്പരയില് തോറ്റത് ഏഴോ എട്ടോ മത്സരങ്ങള്. പിന്നാലെ നാട്ടില് ദക്ഷിണാഫ്രിക്കയോട് 2-0 ന് കൂടി തോറ്റതോടെ നായകപദവി ഭാരമാകുന്നെന്ന് പറഞ്ഞ് സച്ചിനില് നിന്നും എടുത്തുമാറ്റി. സൗരവ് ഗാംഗുലിക്ക് നായകപദവി നല്കി പിന്നാലെ നടന്ന ഏകദിന പരമ്പര 3-2 ന് ഇന്ത്യ സ്വന്തമാക്കി. എന്നാല് മുന്താരം മനോജ് പ്രഭാകര് സ്റ്റിംഗ് ഓപ്പറേഷന് വഴി നടത്തിയ ഒത്തുകളി ആരോപണത്തില് പെട്ട് കപില്ദേവിന് പരിശീലക സ്ഥാനത്ത് നിന്നും ഇറങ്ങേണ്ടി വന്നു. കപിലിന്റെ പരിശീലനരീതിയില് സീനിയര് താരങ്ങള് അതൃപ്തരായിരുന്നെന്നാണ് റിപ്പോര്ട്ട് പുറത്തു വന്നത്. ഇവരില് ഒരാള് അനില് കുംബ്േള ആയിരുന്നു.
ഗ്രെഗ്ചാപ്പല് : 2005-2007
ന്യൂസിലന്റ് കാരന് ജോണ് റൈറ്റിന് കീഴില് കാര്യമായ പരിക്കില്ലാതെ നീങ്ങിയിടത്ത് നിന്നുമാണ് ഓസ്ട്രേലിയന് ഇതിഹാസതാരം ഗ്രെഗ് ചാപ്പല് നായകന് സൗരവ് ഗാംഗുലിയുടെ ശുപാര്ശ പ്രകാരമാണ് ഇന്ത്യന് ടീമിന്റെ ചുമതല ഏറ്റെടുക്കുന്നത്. എന്നാല് ഫിറ്റ്നസിന്റെ കാര്യത്തിലും കഠിനാദ്ധ്വാനത്തിന്റെ കാര്യത്തിലും ഒട്ടും വിട്ടുവീഴ്ച ചെയ്യാതിരുന്ന ചാപ്പലിന് കീഴില് സിംബാബ്വേയില് കളിക്കുമ്പോഴാണ് കാര്യങ്ങള് കൈവിട്ടു പോയത്. രണ്ടു വര്ഷത്തോളം സെഞ്ച്വറി വരള്ച്ച നേരിട്ടതിനെ തുടര്ന്ന് ബാറ്റിംഗില് ശ്രദ്ധിക്കാന് നായക സ്ഥാനം കൈമാറാന് ഗാംഗുലിയോട് അദ്ദേഹം നിര്ദേശിച്ചു. കൂട്ടാക്കാതിരുന്ന ഗാംഗുലിയെ ബുലാവായോ ടെസ്റ്റില് 12 ാമനാക്കി. ഇതില് കുപിതനായി താന് ടൂര് ബഹിഷ്ക്കരിക്കുമെന്ന് ഗാംഗുലി ഭീഷണി മുഴക്കി.
തുടര്ച്ചയായി പരിക്കുകള് അലട്ടുന്ന ഗാംഗുലി ടീമിനെ നയിക്കാന് കൊള്ളത്തില്ലെന്ന് ബിസിസിഐ യ്ക്ക് ഇ മെയില് അയച്ചാണ് ചാപ്പല് പ്രതികരിച്ചത്. ഇത് ഗാംഗുലിയില് നിന്നും നായകസ്ഥാനം ദ്രാവിഡിലേക്ക് എത്താന് കാരണമായി. യുവ്രാജ് സിംഗ്, വിവിഎസ് ലക്ഷ്മണ്, ഹര്ഭജന്, സച്ചിന് എന്നിവരെയെല്ലാം വീഴ്ത്താന് നോക്കി. 2007 ലോകകപ്പില് സച്ചിനെ ബാറ്റിംഗ് ഓര്ഡറില് താഴ്ത്തിയതോടെ ചാപ്പല് കാലവും കഴിഞ്ഞു. ഏറ്റവും ഒടുവില് പുറത്തുവന്നിരിക്കുന്ന വിവാദമാണ് അനില് കുംബ്ളേയെ പുറത്താക്കിയുള്ളത്.
