കൊച്ചി: മെട്രോയില് മദ്യപിച്ചു കിടന്നുറങ്ങിയെന്ന ഭിന്നശേഷിക്കാരനെതിരായ സമൂഹമാധ്യമങ്ങളിലെ വ്യാജ പ്രചരണത്തില് അന്വേഷണം. അങ്കമാലി സ്വദേശി എല്ദോ അപമാനിക്കപ്പെട്ട കേസ് അന്വേഷിച്ച് റിപ്പോര്ട്ട് നല്കാന് ഡിസബിലിറ്റി കമ്മിഷണര് സൈബര് സെല്ലിന് നിര്ദേശം നല്കി.
കൊച്ചി മെട്രോയിലെ 'പാമ്പ്' എന്ന തലക്കെട്ടോടെയാണ് എല്ദോയുടെ ചിത്രങ്ങള് പ്രചരിപ്പിച്ചത്. സംസാരിശേഷിയും കേള്വിശക്തിയും ഇല്ലാത്ത ആളായിരുന്നു എല്ദോ. എറണാകുളം ജനറല് ആശുപത്രിയില് അത്യാസന്ന നിലയില് കഴിയുന്ന അനുജനെ കണ്ടതിന്റെ മനോവിഷമം കൊണ്ടാണ് എല്ദോ മെട്രോയില് കിടന്നുപോയതെന്ന് ബന്ധുക്കള് വെളിപ്പെടുത്തിയിരുന്നു.
