കൊച്ചി/തൊടുപുഴ : നടി ആക്രമിക്കപ്പെട്ട കേസില് കസ്റ്റഡിയില് വിട്ടുകിട്ടിയതിനെ തുടര്ന്ന് പോലീസ് നടത്തുന്ന തെളിവെടുപ്പില് ദിലീപിന് നേരിടേണ്ടി വരുന്നത് ആരാധകരുടെ കൂക്കിവിളിയും അസഭ്യം പറയലും.
തൊടുപുഴയിലെ ഷൂട്ടിങ് ലൊക്കേഷന്, കൊച്ചിയിലെ അബാദ് പ്ലാസ ഹോട്ടല്, തോപ്പുംപടി സിഫ്റ്റ് ജങ്ഷന് എന്നിവിടങ്ങളിലായിരുന്നു ഇന്നലത്തെ തെളിവെടുപ്പ്. അസഭ്യം ചൊരിഞ്ഞും കൂവിവിളിച്ചും ജനക്കൂട്ടം എത്തിയതിനാല് ദിലീപിനെ പോലീസ് വാഹനത്തില് നിന്നു പുറത്തിറക്കാനായില്ല.
ദിലീപുമായെത്തിയ വാഹനം തടയാനും ശ്രമമുണ്ടായി. ദിലീപിനെ കൊണ്ടുവരുന്ന വഴിയില് കാത്തുനിന്ന ജനക്കൂട്ടത്തില് നിന്ന് വാഹനവ്യൂഹം അടുത്തെത്തിയപ്പോഴൊക്കെ കൂവലുയര്ന്നു. ശാന്തിഗിരി കോളജിനു മുന്നില് കേരളാ കോണ്ഗ്രസ് (എം) പ്രവര്ത്തകര് വാഹനം തടഞ്ഞ് മുദ്രാവാക്യം വിളിച്ചു.
വിദ്യാര്ഥിനികള് ഉള്പ്പെടെയുള്ളവര് ദിലീപിനെ കൂക്കിവിളിച്ചു. ചാപ്പലിനു സമീപത്തേക്ക് വാഹനമെത്തിച്ചെങ്കിലും ആള്ക്കൂട്ടത്തെ പേടിച്ച് ദിലീപിനെ പുറത്തിറക്കിയില്ല. എറണാകുളത്ത് സിഫ്റ്റ് ജങ്ഷനിലും അബാദ് പ്ലാസ ഹോട്ടലിലും എത്തിച്ചപ്പോള് ഹോട്ടലിനു മുന്നിലും ജനക്കൂട്ടം ദിലീപിനു നേരേ കൂവിയാര്ത്തു. ദിലീപിനെതിരേ മൂവാറ്റുപുഴയില് യൂത്ത് കോണ്ഗ്രസ് പ്രവര്ത്തകര് പാവാട കാട്ടി പ്രതിഷേധിച്ചു.
ഇന്നലെ െവെകുന്നേരം നാലുമണിയോടെ തൊടുപുഴയിലെ ഷൂട്ടിങ് ലൊക്കേഷനില് തെളിവെടുപ്പിന് കൊണ്ടുപോകും വഴി നിര്മല കോളജിനു സമീപത്തായിരുന്നു പ്രതിഷേധം. പോലീസ് വാഹനം തടഞ്ഞ് നിര്ത്തിയാണ് പ്രതിഷേധം അറിയിച്ചത്. നിയോജകമണ്ഡലം പ്രസിഡന്റ് സമീര് കോണിക്കല്, പാര്ലമെന്റ് സെക്രട്ടറിമാരായ മുഹമമദ് റഫീക്ക്, രതീഷ് ചങ്ങാലിമറ്റം തുടങ്ങിയവരുടെ നേതൃത്വത്തിലായിരുന്നു പ്രതിഷേധം.
ചലച്ചിത്രനിര്മാതാക്കളുടെ സംഘടനയായ പ്രൊഡ്യൂസേഴ്സ് അസോസിയേഷന്റെ വാര്ഷിക ജനറല് ബോഡി യോഗത്തില് ആക്രമിക്കപ്പെട്ട നടിക്കു പിന്തുണയുമായി ഫിലിം പ്രൊഡ്യൂസേഴ്സ് അസോസിയേഷന് പ്രമേയം പാസാക്കി.
ദിലീപിന്റെ നേതൃത്വത്തില് രൂപീകരിച്ച തിയറ്റര് ഉടമകളുടെ സംഘടനയായ ഫിലിം എക്സിബിറ്റേഴ്സ് യുെണെറ്റഡ് ഓര്ഗെനെസേഷന് ഓഫ് കേരളയുടെ പുതിയ പ്രസിഡന്റായി ആന്റണി പെരുമ്പാവൂരിനെ തെരഞ്ഞെടുത്തു. പ്രസിഡന്റായിരുന്ന ദിലീപിനെ പുറത്താക്കിയതിനെത്തുടര്ന്നാണ് െവെസ് പ്രസിഡന്റായ ആന്റണി പെരുമ്പാവൂര് പുതിയ സ്ഥാനത്തെത്തിയത്. ദിലീപ് സിനിമാ വിതരണരംഗത്തുണ്ടെങ്കിലും ഫിലിം ഡിസ്ട്രിബ്യൂട്ടേഴ്സ് അസോസിയേഷനില് അംഗത്വം ഉണ്ടായിരുന്നില്ലെന്നു ഭാരവാഹികള് അറിയിച്ചു.
