തൊടുപുഴ: കരിമണ്ണൂര്, വണ്ടമറ്റം, കോടിക്കുളം, കുമാരമംഗലം മേഖലയില് വീശിയ കൊടുങ്കാറ്റില് വ്യാപകനാശം. ഇന്നലെ രാവിലെ 9.30 നു ചെറുമഴയ്ക്കൊപ്പം അഞ്ചുമിനിറ്റോളം ആഞ്ഞുവീശിയ കാറ്റാണ് ഏകദേശം 15 കിലോമീറ്റര് ചുറ്റളവില് നാശം വിതച്ചത്. ആളപായമില്ലെങ്കിലും ലക്ഷങ്ങളുടെ നഷ്ടമാണു കണക്കാക്കുന്നത്. ആയിരക്കണക്കിനു മരങ്ങളും ഏക്കറുകണക്കിനു കൃഷിയും നശിച്ചിട്ടുണ്ട്. മരംവീണ് നിരവധി വീടുകള്ക്കു നാശമുണ്ടായി. പലയിടങ്ങളിലും റോഡിലേക്കു മരവും െവെദ്യുതി പോസ്റ്റുകളും മറിഞ്ഞു വീണ് മണിക്കൂറുകളോളം ഗതാഗതം തടസപ്പെട്ടു.
ഫയര്ഫോഴ്സും കെ.എസ്.ഇ.ബിയും പോലീസും നാട്ടുകാരും ചേര്ന്ന് ഏറെ പണിപ്പെട്ടാണു മരങ്ങള് മുറിച്ചു മാറ്റി ഗതാഗതം സുഗമമാക്കിയത്.റോഡരികില്നിന്ന മാവിന്റെ വലിയ കൊമ്പ് വീണ് കാരുപ്പാറ ആലുംതറയില് അലിയാരുടെ വീട് പൂര്ണമായി തകര്ന്നു. 23 വീടുകള് ഭാഗികമായി തകര്ന്നു. 20 വൈദ്യുതി പോസ്റ്റുകള് തകര്ന്നു. വാഹനങ്ങളില് വന്നവര് തലനാരിഴയ്ക്കാണ് അപകടങ്ങളില് നിന്നു രക്ഷപ്പെട്ടത്. കോടിക്കുളം, വണ്ടമറ്റം, കരിമണ്ണൂര്, കുമാരമംഗലം, നെയ്യശേരി എന്നീ സ്ഥലങ്ങളിലാണു വീടുകള് ഭാഗികമായി തകര്ന്നത്. 37 പേരുടെ കൃഷിസ്ഥലത്ത് നാശനഷ്ടമുണ്ടാതായി കണക്കാക്കുന്നു. എത്ര ഏക്കറിലെ കൃഷിയാണു നശിച്ചതെന്ന് ഇതുവരെ തിട്ടപ്പെടുത്തിയിട്ടില്ല. പി.ഡബ്ല്യു.ഡി. അധികൃതര്, കൃഷി ഓഫീസ്, കെ.എസ്.ഇ.ബി. ഉദ്യോഗസ്ഥര്, പഞ്ചായത്ത് മെമ്പര്മാര് എന്നിവര് നാശനഷ്ടമുണ്ടായ കൃഷിസ്ഥലം സന്ദര്ശിച്ചു.
ഞറുകുറ്റിയില്നിന്ന് വണ്ടമറ്റത്തേക്കു പോകുന്ന പഴയ റോഡിലെയും പുതിയ റോഡിലെയും ഗതാഗതം മരം വീണ് തടസപ്പെട്ടു. ഞറുക്കുറ്റി കരിമണ്ണൂര്, കാരുപ്പാറ പടി.. കോടിക്കുളം റോഡിലും മരം വീണു ഗതാഗതം തടസപ്പെട്ടു. ഞറുക്കുറ്റി, ഏഴുമുട്ടം, കുറുമ്പാലമറ്റം, പെരുങ്കാവ്, കരിമണ്ണൂര് ടൗണ്, തേക്കിന്കൂട്ടം, കോട്ടകവല, കുമാരമംഗലം, ഉരിയരിക്കുന്ന്, ഏഴല്ലൂര്, ഈസ്റ്റ് കലൂര്, പടി.. കോടിക്കുളം, പഴുക്കാകുളം, കാഞ്ഞിരംപാറ, കാരുപ്പാറ, വണ്ടമറ്റം എന്നിവിടങ്ങളിലാണ് കാറ്റ് വീശിയത്. ഞറുകുറ്റി പന്തയ്ക്കല് ജോണ് മാത്യുവിന്റെ വീടിന്റെ സംരക്ഷണ ഭിത്തി തകര്ന്നു. വീടിനു മുകളിലേക്ക് തെങ്ങ് വീണു.
മേക്കുന്നേല് ലൂക്കോസ് അഗസ്തിയുടെ മൂന്നരയേക്കര് സ്ഥലത്തെ നാനൂറോളം റബര് മരങ്ങളാണു നിലംപതിച്ചത്. ഇതു കൂടാതെ പ്ലാവ്, ആഞ്ഞിലി, തേക്ക് തുടങ്ങിയ വൃക്ഷങ്ങളും അരയേക്കര് സ്ഥലത്ത് കൃഷി ചെയ്തിരുന്ന കപ്പയും നശിച്ചു. പന്തയ്ക്കല് തങ്കച്ചന് മാത്യുവിന്റെ ഒന്നേകാലേക്കര് സ്ഥലത്തെ റബര്, തെങ്ങ്, ആഞ്ഞിലി എന്നിവ നശിച്ചു. ചീനിക്കല് ബേബിയുടെ നാലരയേക്കര് സ്ഥലത്തെ നൂറോളം റബര് മരങ്ങളും കൃഷിയും നശിച്ചു. പെരിങ്കാവിന്കുന്ന് വാണിയകിഴക്കേല് ബിനോയ് വര്ഗീസിന്റെ വീടിന്റെ ഓട് കാറ്റത്ത് പറന്ന് പോയി. മുപ്പതോളം ജാതി, പ്ലാവ്, കൊടി, റബര് എന്നിവയും മറിഞ്ഞു വീണു. ഇദ്ദേഹത്തിന്റെ സഹോദരന് ബെല്ജി വര്ഗീസിന്റെ പുരയിടത്തിലെ ആഞ്ഞിലി, പ്ലാവ്, തുടങ്ങിയ വൃഷങ്ങളും റബര്, വാഴ, ജാതി തുടങ്ങിയ കൃഷിളും പൂര്ണമായി നശിച്ചു.
വാണിയകിഴക്കേല് പി.വി. കുര്യാക്കോസിന്റെ ആറേക്കര് സ്ഥലത്തെ മുന്നൂറോളം റബര്, നിരവധി ജാതി, ആഞ്ഞിലി, പ്ലാവ് എന്നിവയും നശിച്ചു. കരോട്ടുമലയില് കുഞ്ഞാപ്പിന്റെ മൂന്നേക്കറോളമുള്ള പുരയിടത്തിലെ റബര് മരങ്ങളും ചക്കിങ്ങല് ജോര്ജ്, പന്തയ്ക്കല് ഷാജു, ജോസ്, ജോഷി എന്നിവരുടെ ഏക്കര് കണക്കിനു പുരയിടങ്ങളിലെ ജാതി, റബര് കൃഷികളും ആഞ്ഞിലി, തേക്ക്, പ്ലാവ് തുടങ്ങിയ വൃക്ഷങ്ങളും നിലംപൊത്തി. വണ്ടമറ്റം ചെറുനിലം വാണിയകിഴക്കേല് ജോബി സി. മാത്യു, ജോര്ജ് വര്ഗീസ്, ജോസ് ജേക്കബ്, സിജു തോമസ്, മനോജ് ജോസ്, ജോയി, മാത്യു സി. ജോണ് എന്നിവരുടെ ഏക്കറുകണക്കിനു സ്ഥലത്തെ റബര്, തെങ്ങ്, പ്ലാവ്, ആഞ്ഞിലി എന്നീ മരങ്ങളും വാഴ, കപ്പ തുടങ്ങിയ കൃഷികളും നശിച്ചു. ഞറുകുറ്റി തെക്കേത്തൊട്ടിയില് ചാക്കോ ജയിംസിന്റെ വീട്ടിലേക്കുള്ള വഴി മരങ്ങള് വീണ് തടസപ്പെട്ടു. ഒരേക്കര് സ്ഥലത്തെ റബറും നശിച്ചു.
കരിമണ്ണൂര് ടൗണില് ഗവ. യു.പി. സ്കൂളിന് സമീപം കുന്നപ്പിള്ളില് മാത്യുവിന്റെ പുരയിടത്തില്നിന്ന വന് തേക്കുമരം 11 കെ.വി. െലെനിലേക്കു വീണു. ഇതോടെ ടൗണിലെ െവെദ്യുതി നിലച്ചു. കരിമണ്ണൂര് െഹെസ്കൂള് ജങ്ഷനിലെ കെട്ടിടങ്ങള് മേഞ്ഞിരുന്ന ഷീറ്റുകള് കാറ്റില് പറന്നു. കുറുമ്പാലമറ്റത്ത് കാവുങ്കല് ബാബുവിന്റെ വീട് ഭാഗികമായി തകര്ന്നു.
വാണിയകിഴക്കേല് അജോ, ക്രിസ്റ്റഫര് എന്നിവരുടെ പുരയിടത്തിലെ റബര് മരങ്ങളും ആഞ്ഞിലി, പ്ലാവ് എന്നിവയും ഒടിഞ്ഞു വീണു. അജോയുടെ ഒരേക്കര് പുരയിടത്തിലെ മരച്ചീനിയും നിലംപൊത്തി. മേക്കുന്നേല് ലൂക്കോസിന്റെ നാനൂറോളം റബര് മരങ്ങളാണ് ഒടിഞ്ഞു തകര്ന്നത്.
കരിമണ്ണൂര് മഠത്തില് എം.പി. വിജയനാഥന്റെ റബര് മരങ്ങള് കടപുഴകി. കോടിക്കുളം പഞ്ചായത്തിലെ ഒമ്പതാം വാര്ഡിലെ അംഗന്വാടിയുടെ മേച്ചില് ഷീറ്റ് കാറ്റില് പറന്നു. ഞറുക്കുറ്റി വഴി വണ്ണപ്പുറത്തിനുള്ള റോഡില് പലയിടങ്ങളിലും മരം മറിഞ്ഞുവീണു ഗതാഗതം തടസപ്പെട്ടു. ഏഴുമുട്ടം ശോഭന രവീന്ദ്രന്റെ വീട് മരം വീണു ഭാഗികമായി തകര്ന്നു. കള്ളികാട്ട് റോസിലി ജോണിയുടെ വീട്ടിലേക്കു മരം വീണ് ആസ്ബസ്റ്റോസ് ഷീറ്റും ഭിത്തിയും തകര്ന്നു. മാത്യൂസ് എം.എസിന്റെ വീട്ടിലേക്കു മരം കടപുഴകി വീണു.
ഫയര്ഫോഴ്സും പോലീസും നാട്ടുകാരും ചേര്ന്ന് മണിക്കൂറുകള് അധ്വാനിച്ചാണു റോഡ് സഞ്ചാരയോഗ്യമാക്കിയത്. തൊടുപുഴ തഹസില്ദാര്, റവന്യു വകുപ്പ് ഉദ്യോഗസ്ഥര്, കൃഷിവകുപ്പിലെ ഉദ്യോഗസ്ഥര്, കോടിക്കുളം പഞ്ചായത്ത് പ്രസിഡന്റ് ഷേര്ളി ആന്റണി, ജനപ്രതിനിധികള് എന്നിവര് കൃഷിനാശം നടന്ന സ്ഥലങ്ങള് സന്ദര്ശിച്ചു.
