ന്യൂഡല്ഹി: പ്രധാനമന്ത്രി നരേന്ദ്രമോഡിക്ക് ഒരു സഹോദരിയുണ്ടെന്ന് പറഞ്ഞാല് ആര് വിശ്വസിക്കാനാണ് ? അതും പ്രത്യേകിച്ച് അവര് പാകിസ്താന്കാരിയാണെന്നും മുസ്ളീമാണെന്നും പറഞ്ഞാല് എതിരാളികള് പോലും വിശ്വസിച്ചെന്ന് വരില്ല. എന്നാല് സംഗതി സത്യമാണ്.
പക്ഷേ രക്തബന്ധമില്ലാത്തതാണെന്ന് മാത്രം. പ്രധാനമന്ത്രിക്ക് എല്ലാവര്ഷം രാഖി ബന്ധനം നടത്തുന്ന രക്തത്തില് പിറക്കാത്ത ഒരു പാക് സഹോദരി പാകിസ്താനില് നിന്നും ഇന്ത്യയില് എത്തി താമസിക്കുന്ന ഖമര് മൊഹ്സീന് ഷെയ്ഖാണ്. 20 വര്ഷമായി രക്ഷാബന്ധന മഹോത്സവത്തില് നരേന്ദ്രമോഡിക്ക് രാഖി കെട്ടാറുള്ള ഇവര്ക്ക് ഇത്തവണയും ക്ഷണം കിട്ടി.
ഇന്ത്യയില് താമസിക്കുന്ന ഖമര് മൊഹ്സിന് ഷേയ്ക്കാണ്. താന് 22-23 വര്ഷമായി പതിവായി മോഡിക്ക് രാഖി കെട്ടാറുണ്ടെന്ന് അവകാശപ്പെടുന്നു. പാകിസ്താനില് നിന്നും ഇന്ത്യയിലേക്ക് വിവാഹം ചെയ്തു കൊണ്ടുവന്നതിന് ശേഷം ഇവര് ഇന്ത്യയിലാണ് താമസം.
പ്രധാനമന്ത്രി ആര്എസ്എസ് പ്രവര്ത്തകനായിരുന്ന കാലത്താണ് ആദ്യമായി രാഖി ബന്ധിച്ചത്. പക്ഷേ തിരക്ക് മൂലം ഇത്തവണ പ്രധാനമന്ത്രി തന്നെ രാഖിബന്ധനത്തിന് ഇത്തവണ വിളിക്കുമെന്ന് കരുതിയിരുന്നില്ല. എന്നാല് രണ്ടു ദിവസം മുമ്പ് അദ്ദേഹത്തിന്റെ വിള വന്നു. അപ്രതീക്ഷിതമായി കിട്ടിയ ഈ വിളിയില് താന് ഏറെ സന്തുഷ്ടയാണെന്നും രക്ഷാബന്ധനത്തിനായി തയ്യാറെടുക്കുകയാണെന്നും ഷെയ്ഖ് വ്യക്തമാക്കി.
