വാഷിങ്ടണ്: പാക്ക് ഭീകര സംഘടനയായ ഹിസ്ബുള് മുജാഹിദീനെ യുഎസും ഭീകരസംഘടനയായി പ്രഖ്യാപിച്ചു. 1989ല് രൂപീകരിച്ച സംഘടന നിരന്തരമായി കശ്മീരില് പ്രശ്നങ്ങള് ഉണ്ടാക്കിയിരുന്നു. കശ്മീരില് പ്രവര്ത്തിക്കുന്ന ഏറ്റവും വലിയ ഭീകര സംഘടനയാണെന്ന് പ്രസ്താവനയില് പറയുന്നു.
ഭീകരസംഘടനകളുടെ പട്ടികയില് പെടുത്തിയതോടെ ഹിസ്ബുള് മുജാഹിദ്ദിന്റെ അമേരിക്കയിലുള്ള എല്ലാ ആസ്തികളും മരവിപ്പിക്കുമെന്നും ഇടപാടുകള് നിയമ വിരുദ്ധമാണെന്നും പ്രസ്താവനയില് മുന്നറിയിപ്പ് നല്കി.
സംഘടന അമേരിക്കന് സമ്പദ് വ്യവസ്ഥയില് ഇടപെടുന്നത് തടയും. നേരത്തെ പ്രധാനമന്ത്രി നരേന്ദ്ര മോഡിയുടെ അമേരിക്കന് സന്ദര്ശനത്തിന് തൊട്ടുമുന്പ് ഹിസ്ബുള് തലവന് സയ്യിദ് സലാഹുദ്ദീനെ ആഗോള ഭീകരനായി അമേരിക്ക പ്രഖ്യാപിച്ചിരുന്നു. പാകിസ്താന് തിരിച്ചടിയായ ഈ നീക്കത്തിന് ഒരു മാസം പിന്നിടുംപോഴാണ് പുതിയ നടപടിയുണ്ടായിരിക്കുന്നത്.
ഭീകരസംഘടനയായി പ്രഖ്യാപിച്ച ഹിസ്ബുള് മുജാഹിദീന് അമേരിക്കന് സമ്പദ് വ്യവസ്ഥയില് ഇടപെടുന്നത് ശക്തമായി തടയുമെന്ന് പ്രസ്താവനയില് അമേരിക്ക വ്യക്തമാക്കിയിട്ടുണ്ട്. ഇതോടെ കശ്മീരികളുടെ ശബ്ദമാണ് എന്ന് വിശേഷിപ്പിച്ച പാകിസ്താനും വന് തിരിച്ചടിയാണുണ്ടായിരിക്കുന്നത്. ഇന്ത്യയുടെ ദീര്ഘനാളായുള്ള ആവശ്യത്തിന് അംഗീകാരമാണിത്.
