കോട്ടയം: രാഹുല് ഈശ്വറിനെതിരെ ഹാദിയയുടെ പിതാവ് അശോകന് നല്കിയ പരാതിയുടെ പകര്പ്പ് പുറത്ത്. വീട്ടിലെത്തിയ രാഹുല് അനുവാദമില്ലാതെ പകര്ത്തിയ ചിത്രങ്ങള് സാമൂഹ്യമാധ്യമങ്ങളിലൂടെ പുറത്ത് വിട്ട് വിശ്വാസ വഞ്ചന കാട്ടിയെന്ന് അശോകന് ആരോപിച്ചു. രാഹുല് ഈശ്വറിന് മദനിയുമായി ബന്ധമുണ്ട്. തീവ്രവാദ സംഘടനകളില് നിന്ന് പണം വാങ്ങിയെന്നും അശോകന് ആരോപിച്ചു.
രാഹുല് ഈശ്വര് തന്റെ സങ്കടാവസ്ഥ ചൂഷണം ചെയ്തു. രക്ഷിക്കാനായി വന്നതാണെന്ന് തെറ്റിദ്ധരിപ്പിച്ച് വിശ്വാസ വഞ്ചന കാട്ടി. സഹായിക്കാനെന്ന വ്യാജേനയാണ് രാഹുല് വീട്ടില് എത്തിയത്. തുടര്ന്ന് മകളോട് സംസാരിക്കാന് താന് അനുവദിച്ചു. എന്നാല് വീട്ടില് വച്ച് പകര്ത്തിയ ചിത്രങ്ങള് സോഷ്യല് മീഡിയ വഴി പ്രചരിപ്പിച്ച് വിശ്വാസ വഞ്ചന കാട്ടുകയാണ് രാഹുല് ചെയ്തത്.
രാഹുല് ഈശ്വറിന് അബ്ദുള് നാസര് മദനിയുമായി ബന്ധമുണ്ട്. ഇക്കാര്യം രാഹുല് ഈശ്വര് തന്നെ ഫെയ്സ്ബുക്ക് വഴി പരസ്യപ്പെടുത്തിയതാണ്. തീവ്രവാദ സംഘടനകളില് നിന്ന് പണം വാങ്ങിയിട്ടാണ് രാഹുല് ഈശ്വര് ചിത്രങ്ങള് പ്രചരിപ്പിച്ചതെന്നും അശോകന് ആരോപിച്ചു. സംഭവത്തില് വിശദമായ അന്വേഷണം നടത്തണമെന്നും അശോകന് ആവശ്യപ്പെട്ടു.
