ബംഗലുരു: പഠിക്കാന് മതിയായ വിദ്യാര്ത്ഥികള് ഇല്ലെന്ന കാരണത്താല് ഓള് ഇന്ത്യ കൗണ്സില് ഫോര് ടെക്നിക്കല് എഡ്യൂക്കേഷന് (എഐസിറ്റിഇ) രാജ്യത്തെ 800 എഞ്ചിനീയറിംഗ് കോളേജുകള് പൂട്ടുന്നു. ഒമ്പതു സംസ്ഥാനങ്ങളിലെ കോളേജുകളില് പക്ഷേ കേരളത്തിലെ എഞ്ചിനീയറിംഗ് കോളേജുകള് ഇല്ല. പക്ഷേ മലയാളികള് കൂടുതല് അഭിലഷിക്കുന്ന കര്ണാകയിലെയും തമിഴ്നാട്ടിലെയും കോളേജുകള് ഉണ്ട്.
ഇവയില് ഏകദേശം 150 കോളേജുകള്ക്ക് വര്ഷാവര്ഷമുള്ള എഐസിടിഇ നിയമങ്ങള് പരിപാലിക്കാന് കഴിയാത്തതിനെ തുടര്ന്നാണ് അടയ്ക്കുന്നത്. മറ്റുള്ളവ അടിസ്ഥാന സൗകര്യങ്ങളുടെ കുറവ്, അഞ്ചുവര്ഷം തുടര്ച്ചയായി അഡ്മിഷന് മൊത്തം സീറ്റിന്റെ 30 ശതമാനത്തിലും കുറവ് വന്നതിന്റെ പേരിലാണ് തട്ടിയിടുന്നത്. 2014 - 15 മുതല് 2017-18 വരെ 410 കോളേജുകളാണ് ഇന്ത്യയില് അടച്ചു പൂട്ടിയത്. ഇവയില് 20 എണ്ണം കര്ണാടകയില് ആയിരുന്നു. ഏറ്റവും കൂടുതല് അടച്ചുപൂട്ടല് വന്നത് 2016-17 ലാണ്. തെലുങ്കാന, ഉത്തര്പ്രദേശ്, മഹാരാഷ്ട്ര, ആന്ധ്രാപ്രദേശ്, രാജസ്ഥാന്, തമിഴ്നാട്, ഹരിയാന, ഗുജറാത്ത്, മദ്ധ്യപ്രദേശ് എന്നിവിടങ്ങളിലാണ് ഏറ്റവും കൂടുതല് കോളേജുകള് അടച്ചുപൂട്ടാനുളള ജോലികള് പുരോഗമിക്കുന്നത്.
അടച്ചുപൂട്ടലിലേക്ക് നീങ്ങുന്ന കോളേജുകള് പിടിച്ചു നില്ക്കാന് പോളിടെക്നിക്കുകളോ ആര്ട്സ് ആന്റ് സയന്സ് കോളേജുകളോ ഒക്കെയായി മുഖം മാറ്റാനുള്ള നീക്കത്തിലാണ്. നിര്ത്തലാക്കുന്ന കോളേജുകള്ക്ക് ഒന്നാം വര്ഷ വിദ്യാര്ത്ഥികളെ പ്രവേശിപ്പിക്കാന് കഴിയാതെ വരും. എന്നിരുന്നാലും പ്രവേശനം നല്കിയിട്ടുള്ള വിദ്യാര്ത്ഥികളുടെ പഠനം പൂര്ത്തിയാകും വരെ തുടരുകയും ചെയ്യും. അതേസമയം മികച്ച വിദ്യാഭ്യാസം, പുതുക്കാത്ത സിലബസ് എന്നിവയാണ് എഞ്ചിനീയറിംഗ് കോളേജുകളും സര്വകലാശാലകളും നേരിടുന്ന പ്രതിസന്ധിയായി ചുണ്ടിക്കാട്ടുന്നത്.
ഏറ്റവും കൂടുതല് ബാധിക്കുന്നത് തെലുങ്കാനയെയാണ്. ഇവിടെ 64 കോളേജുകള്ക്ക് മരണമണി മുഴങ്ങിയപ്പോള് തൊട്ടുപിന്നില് മഹാരാഷ്ട്രയാണ്. 59 കോളേജുകള്. യുപിയില് 47 എഞ്ചിനീയറിംഗ് കോളേജുകള് അടച്ചുപൂട്ടലില് ആയിരിക്കുമ്പോള് രാജസ്ഥാനില് 30, തമിഴ്നാട്ടിലും ഹരിയാനയിലും 31 കോളേജുകള്, ആന്ധ്രയിലും ഗുജറാത്തിലും 29, കര്ണാടകയിലും മദ്ധ്യപ്രദേശിലും 21 വീതവും പഞ്ചാബില് 19 കോളേജുകളുമാണ് എഐസിറ്റിഇ വെബ്സൈറ്റില് കാണിച്ചിട്ടുള്ളത്. 2014-15 ല് 77 കോളേജുകളായിരുന്നു അടച്ചുപൂട്ടിയത്. 2015-16 ല് അത് 125 ും 2016-17 ല് 149 കോളേജുകളും 2017-18 ല് 65 കോളേജുകളുമായിരുന്നു പൂട്ടിയത്.
