കൊച്ചി: പെരുമ്പാവൂരില് ഉപേക്ഷിക്കപ്പെട്ട പാറമടയിലെ വെള്ളക്കെട്ടില് വീണ് മരിച്ച വിദ്യാര്ത്ഥികളുടെ എണ്ണം മൂന്നായി. മരിച്ച രണ്ടുപേരുടെ മൃതദേഹം നേരത്തെ പുറത്തെടുത്തിരുന്നു. അഭിജിത് എന്ന വിദ്യാര്ത്ഥിയുടെ മൃതദേഹമാണ് അവസാനമായി കിട്ടിയത്. നാല്വര് സംഘത്തിലെ ഒരാളെ നാട്ടുകാര് രക്ഷപ്പെടുത്തി.
കളമശേരി സ്വദേശികളായ വിനായകന്, ശ്രാവണ് എന്നിവരാണ് നേരത്തെ മരിച്ചത്.അക്ഷയ് എന്ന കുട്ടിയെ ആണ് രക്ഷപ്പെടുത്തിയത്. ഇയാളെ ആശുപത്രിയില് പ്രവേശിപ്പിച്ചു.
കഴിഞ്ഞ ദിവസങ്ങളില് നല്ല മഴയുണ്ടായിരുന്നതിനാല് പാറമടയില് വലിയ വെള്ളക്കെട്ട് രൂപപ്പെട്ടിരുന്നു. ഇത് മനസ്സിലാക്കാതെയാണ് ഇവര് പാറമടയില് കുളിക്കാനിറങ്ങിയത്. ഉച്ചയ്ക്ക് വാഹനത്തില് എത്തിയ വിദ്യാര്ത്ഥികള് വെള്ളത്തിന്റെ ആഴമറിയാതെ പാറമടയില് ഇറങ്ങുകയായിരുന്നു.
മുങ്ങിത്താഴ്ന്ന ഇവര് സഹായത്തിനായി നിലവിളിച്ചത് കേട്ടാണ് നാട്ടുകാര് ഓടിയെത്തിയത്. ഇവരാണ് രണ്ട് മൃതദേഹങ്ങള് പുറത്തെടുത്തതും ഒരാളെ രക്ഷപ്പെടുത്തിയതും. കാണാതായ കുട്ടിക്കു വേണ്ടി ഫയര്ഫോഴ്സിന്റെ നേതൃത്വത്തില് നടത്തിയ തിരച്ചിലിനൊടുവിലാണ് നിശ്ചലനായി അഭിജിത്തിനേയും വെള്ളക്കെട്ടില് നിന്ന് പുറത്തെടുത്തത്.
