തിരുവനന്തപുരം: റോഡുകളുടേയും പാലങ്ങളുടേയും കെട്ടിടങ്ങളുടെയും കരാറെടുത്തു കാലാവധി കഴിഞ്ഞിട്ടും നിര്മാണം പൂര്ത്തിയാക്കാത്ത കരാറുകാര്ക്കെതിരേ ക്രിമിനല് കേസെടുക്കും. അലംഭാവം വരുത്തുന്ന ഉദ്യോഗസ്ഥര്ക്കെതിരെയും നടപടിയെടുക്കും. ഇത്തരത്തില് കാലതാമസം നേരിടുന്നവയുടെ കണക്കെടുക്കാന് പൊതുമരാമത്തു വകുപ്പുമന്ത്രി ജി. സുധാകരന് ചീഫ് എന്ജിനീയര്ക്ക് നിര്ദേശം നല്കിയിട്ടുണ്ട്.
പൊതുമരാമത്ത് വകുപ്പിന് കീഴിലുള്ള റോഡുകളെക്കുറിച്ച് മന്ത്രി ജി.സുധാകരനു നേരിട്ടു ലഭിച്ച പരാതികളിലേറെയും പണി അനന്തമായി െവെകുന്നതിനേക്കുറിച്ചായിരുന്നു. കരാര് നല്കുമ്പോള് കാലാവധിയും വ്യക്തമാക്കാറുണ്ട്. പണം അനുവദിച്ചിട്ടും പല കരാറുകാരും നിശ്ചിത കാലാവധിക്കുള്ളില് നിര്മാണം പൂര്ത്തിയാക്കാറില്ല.
കാരണമില്ലാതെ നിര്മാണം വലിച്ചുനീട്ടുകയാണെന്നാണ് വകുപ്പു നിലപാട്. ചെലവുകൂട്ടുകയും ജനങ്ങളുടെ ദുരിതം വര്ധിപ്പിക്കുകയും മാത്രമല്ല സര്ക്കാരിന്റെ പ്രതിച്ഛായ മോശമാക്കാനും ഇടയാക്കും. അതിനാല് നിര്മാണപ്രവര്ത്തനങ്ങള് െവെകാന് അനുവദിക്കില്ലെന്നാണ് പൊതുമരാമത്ത്വകുപ്പിന്റെ നിലപാട്.
കാലാവധി കഴിഞ്ഞിട്ടും നിര്മാണം പൂര്ത്തിയായില്ലെങ്കില് കരാറുകാരനോടു വിശദീകരണം തേടും. മറുപടി തൃപ്തികരമല്ലെങ്കില് കരാറുകാരനെയും സ്ഥാപനത്തേയും കരിമ്പട്ടികയില്പ്പെടുത്തി കരാറുകാരനെതിരേ ക്രിമിനല് കേസ് രജിസ്റ്റര് ചെയ്യും. ബന്ധപ്പെട്ട പി.ഡബ്ല്യു.ഡി ഉദ്യോഗസ്ഥരാകും പോലീസില് പരാതി നല്കുക. വകുപ്പുതലനടപടികളും തുടരും.
കാലാവധി കഴിഞ്ഞിട്ടും നിര്മാണം പൂര്ത്തിയാക്കാത്ത കരാറുകാരില് പലരും മറ്റു കരാറുകളുടെ ഉപകരാര് ഏറ്റെടുക്കുകയാണെന്ന് പൊതുമരാമത്ത് വകുപ്പ് കണ്ടെത്തിയിട്ടുണ്ട്. ഇങ്ങനെ ഉപകരാര് ഏറ്റെടുക്കാന് ഇനി അനുവദിക്കില്ല. നിര്മാണ പ്രവര്ത്തനങ്ങള് ഇഴഞ്ഞുനീങ്ങാന് അലംഭാവം കാട്ടുന്ന ഉദ്യോഗസ്ഥര്ക്കെതിരെ കര്ശനമായ വകുപ്പുതല നടപടിയെടുക്കും. കരാറുകാരെ വേട്ടയാടാനല്ല ഇതുകൊണ്ടു സര്ക്കാര് ലക്ഷ്യമിടുന്നതെന്ന് മന്ത്രി ജി. സുധാകരന് പറഞ്ഞു. നിര്മാണമേഖലയിലെ പുതിയ രീതികള് പരിശീലിപ്പിക്കാനായി കോണ്ട്രാക്ടേഴ്സ് അക്കാദമി തുടങ്ങാനും സര്ക്കാര് തീരുമാനിച്ചിട്ടുണ്ട്. ഓരോ കെട്ടിടത്തിനും പാലത്തിനും ഓരോ പുതിയ ഡിെസെന് നല്കാനാണ് ആലോചന.
ഈ സാമ്പത്തിക വര്ഷം 2000 കോടി അനുവദിക്കണമെന്ന് ധനവകുപ്പിനോട് ആവശ്യപ്പെടാന് പൊതുമരാമത്ത് വകുപ്പ് തീരുമാനിച്ചു. ഈ വര്ഷം ബജറ്റില് അനുവദിച്ചത് 157 കോടി രൂപ മാത്രമാണ്. 2000 കോടി അനുവദിച്ചാല് ഒരു നിയമസഭാ മണ്ഡലത്തില് 10 കോടി രൂപ വീതം അധികമായി ചെലവഴിക്കാന് കഴിയും.
