ന്യൂഡല്ഹി: ദീപാവലി ദിനത്തില് രാജ്യ തലസ്ഥാനമായ ഡല്ഹിയില് പടക്കം പൊട്ടിക്കരുതെന്ന സുപ്രീം കോടതി വിധിയെ അനുകൂലിച്ചെത്തിയ ക്രിക്കറ്റ് താരം യുവരാജ് സിങ് വടി കൊടുത്ത് വലിയ അടി വാങ്ങി കൂട്ടുകയാണ്. പടക്കം പൊട്ടിക്കുന്നത് മലിനീകരണത്തിന് കാരണമാകുമെന്നാണ് വീഡിയോയിലൂടെ യുവി പറഞ്ഞത്. എന്നാല് പിന്നാലെ നല്ല പണികിട്ടി. യുവിയുടെയും ഹസല് കീച്ചിന്റെയും വിവാഹചിത്രം തെളിവുകളോടെ പോസ്റ്റ് ചെയ്താണ് ആരാധകര് പണി കൊടുത്തത്.
“It’s not ok to burn crackers on Diwali, but it’s ok to burn crackers for my wedding.” Hypocrisy jumped from 100th floor 😂😂😂😂 @YUVSTRONG12 pic.twitter.com/hwDU0QbjYK
— Akshay Kumar (@SirAkshayKumar) October 9, 2017
വിവാഹ ദിവസം പൂത്തിരികള്ക്കു നടുവിലൂടെ നടന്നു വരുന്ന ചിത്രമാണ് പ്രചരിക്കുന്നത്. ദീപാവലിക്ക് പൊട്ടിക്കാത്ത പടക്കം താങ്കളുടെ വിവാഹത്തിന് പൊട്ടിക്കുമ്പോള് മലിനീകരണമില്ലേയെന്നാണ് ആരാധകരുടെ ചോദ്യം. ഇതിന് മറുപടി നല്കാന് യുവരാജിനായിട്ടില്ല.
Hello Yuvraj Singh, Crackers creates pollution during diwali and not during your wedding! pic.twitter.com/Pzqw1YtPPD
— Mishra Vikas (@camishravikas) October 9, 2017
ന്യൂഡല്ഹിയില് ദീപാവലിയുടെ ഭാഗമായുള്ള പടക്ക വില്പ്പന നവംബര് 1 വരെ നിരോധിക്കാനാണ് സുപ്രീം കോടതി ഉത്തരവിട്ടത്. ഇതിനു പിന്തുണയുമായി സേവാഗുള്പ്പെടെയുള്ള താരങ്ങളും രംഗത്തെത്തിയിരുന്നു.
RT if this year you will celebrate Diwali extra dhoom dhaam se.
— Virender Sehwag (@virendersehwag) October 9, 2017
