ചടയമംഗലം: ഫേസ്ബുക്കിലൂടെ പ്രണയത്തിലായ യുവതി കാമുകന്റെ നാട്ടിലെത്തി ജീവനൊടുക്കാന് ശ്രമിച്ചു. യുവതി നാട്ടിലെത്തിയതറിഞ്ഞ് കാമുകന് മുങ്ങിയതോടെയാണ് ജീവനൊടുക്കാന് തീരുമാനിച്ചത്.
കഴിഞ്ഞ ദിവസം വൈകിട്ടോടെയാണ് കോഴിക്കോട് സ്വദേശിനിയായ യുവതി കാമുകനെ തേടി അയാളുടെ നാടായ നിലമേല് കൈതോട് എത്തിയത്. വിവരം അറിഞ്ഞ കാമുകന് മൊബൈല് ഫോണ് സ്വിച്ച് ഓഫ് ആക്കി.
തന്നെ മന:പൂര്വ്വം ഒഴിവാക്കാന് ശ്രമിക്കുകയാണെന്ന് തിരിച്ചറിഞ്ഞ യുവതി ഇതോടെ അമിതമായി ഗുളിക കഴിച്ച് ജീവനൊടുക്കാന് ശ്രമിക്കുകയായിരുന്നു. വിവരമറിഞ്ഞ പോലീസ് യുവതിയെ കടയ്ക്കല് ആശുപത്രിയിലും തുടര്ന്ന് തിരുവനന്തപുരം മെഡിക്കല് കോളജ് ആശുപത്രിയിലും പ്രവേശിപ്പിച്ചു. കാമുകനു വേണ്ടി തെരച്ചില് തുടരുകയാണ്.
