കോഴിക്കോട്: ഓടയില് വീണ് മരിക്കുന്നത് കാല്നട യാത്രക്കാരുടെ ശ്രദ്ധ കുറവാണെന്ന വിചിത്ര വാദവുമായി പൊതുമരാമത്ത് വകുപ്പ്. മനുഷ്യാവകാശ കമ്മീഷന് മുന്നില് നടത്തിയ വിശദീകരണത്തിലാണ് ഈ കാര്യം പറഞ്ഞത്. എന്നാല് വകുപ്പിന്റെ വിശദീകരണം വിവാദമായതോടെ കമ്മീഷന് അതൃപ്തി രേഖപ്പെടുത്തുകയും ഉദ്യോഗസ്ഥര്ക്കെതിരെ നടപടിയ്ക്ക് ശുപാര്ശ ചെയ്യുകയും ചെയ്തു.
കോഴിക്കോട് നടന്ന സിറ്റിങ്ങില് കമ്മീഷന് ഉദ്യോഗസ്ഥരുടെ സമീപനത്തില് അതൃപ്തി രേഖപ്പെടുത്തി.കമ്മീഷന് മുന്നില് വിചിത്ര വാദം ഉന്നയിച്ച ഉദ്യോഗസ്ഥര് വെട്ടിലായിരിക്കുകയാണ്. അതേസമയം ഉദ്യോഗസ്ഥരുടെ പിഴവാണ് ഇത്തരം സംഭവങ്ങള്ക്ക് കാരണമെന്ന് കമ്മീഷന് വിലയിരുത്തി.
കോട്ടൂളിയില് ഓടയില് വീണ് മരിച്ച സതീശന്, വയനാട് റോഡില് ഓടയില് വീണ് പരിക്കേറ്റ മുജീബ് റഹ്മാന് എന്നിവരെ കുറിച്ചുള്ള വാര്ത്തകളുടെ അടിസ്ഥാനത്തിലാണ് കമ്മീഷന് മുന്നില് പരാതി എത്തിയത് .ഇതിലായിരുന്നു ഉദ്യോഗസ്ഥരോട് വിശദീകരണം തേടിയത് .സതീശന്റെ കുടുംബത്തിനും മുജീബ് റഹ്മാനും മുഖ്യമന്ത്രിയുടെ ദുരിതാശ്വാസ നിധിയില് സഹായം നല്കാന് ആക്ടിങ്ങ് ചെയര് പേഴസണ് ശുപാര്ശ ചെയ്തിട്ടുണ്ട്.
