സ്ത്രീകളെയും കുട്ടികളെയും മോശമായി ചിത്രീകരിക്കുകയും അവരുടെ മോര്ഫ് ചെയ്ത ചിത്രങ്ങള് പ്രചരിപ്പിക്കുകയും ചെയ്യുന്ന ഫെയ്സ്ബുക്ക് അക്കൗണ്ടുകളും ഗ്രൂപ്പുകളെയും തകര്ത്ത് മലയാളി ഹാക്കര്മാര് വീണ്ടും രംഗത്ത്.
മല്ലു സൈബര് സോള്ജിയേഴ്സ് എന്ന എത്തിക്കല് ഹാക്കര്മാരുടെ കൂട്ടയ്മയാണ് ഇതിന് പിന്നല്. പ്രായപൂര്ത്തിയാകാത്ത കുട്ടികളുമായുള്ള ലൈംഗികത പ്രോത്സാഹിപ്പിക്കുന്ന അക്കൗണ്ടുകള് അടക്കമുള്ളവയാണ് ഹാക്ക് ചെയ്തിരിക്കുന്നത്.
കേരള പോലീസ് നടത്തുന്ന ഓപ്പറേഷന് ബിഗ് ഡാഡിക്ക് പിന്തുണ അര്പ്പിച്ചാണ് ഫെയ്സ്ബുക്ക് അക്കൗണ്ടുകള്ക്ക് നേരെ അക്രമണം നടന്നത്. ഏകദേശം 55 ഫെയ്സ്ബുക്ക് ഗ്രൂപ്പുകളും അക്കൗണ്ടുകളും ഇവര് ഹാക്ക് ചെയ്തു.
ഇത്തരക്കാര് നടത്തിയിട്ടുള്ള ചാറ്റിങ് വിവരങ്ങളും ഗ്രൂപ്പില് അംഗമായിട്ടുള്ളവരുടെ വിവരങ്ങളും ഹാക്കര്മാര് ചോര്ത്തിയെടുത്തിട്ടുണ്ട്.
