മലപ്പുറം: കേരളത്തില് എവിടെയെങ്കിലും വെറും 57.20 രൂപയ്ക്ക് ഒരു സെന്റ് സ്ഥലം കിട്ടുമോ? കിട്ടുമെന്നു പി.വി. അന്വര് എം.എല്.എയുടെ തെരഞ്ഞെടുപ്പ് സത്യവാങ്മൂലം തെളിയിക്കുന്നു. തൃക്കലങ്ങോട്, പെരകമണ്ണ വില്ലേജുകളിലായി 207.84 ഏക്കര് ഭൂമി 11,88,900 രൂപയ്ക്ക് വാങ്ങിയെന്നാണ് സത്യവാങ്മൂലത്തിലുള്ളത്. ഒരു ഏക്കറിന് 5720 രൂപ മാത്രം.
2015 വരെ എം.എല്.എ. വാങ്ങിയ ഭൂമിക്കാണു നിസാര വിലകാട്ടി തെരഞ്ഞെടുപ്പു കമ്മിഷനെ കബളിപ്പിച്ചിരിക്കുന്നത്. സര്ക്കാര് ന്യായ വിലയുടെ നാലയലത്തുപോലും എത്താത്ത വില. 2015 വരെ വാങ്ങിക്കൂട്ടിയ ഭൂമിക്കു വരെ ഈ വിലയാണ് കാണിച്ചിരിക്കുന്നത്. തൃക്കലങ്ങോട്, പെരകമണ്ണ വില്ലേജുകളില് സെന്റിന് നാലായിരം രൂപ ന്യായവില ഉണ്ടായിരുന്ന കാലയളവിലാണ് തുച്ഛമായ തുക കാണിച്ച് എം.എല്.എയുടെ കള്ളക്കളി. ഭൂമി രജിസ്റ്റര് ചെയ്തപ്പോള് പോലും ആരും ശ്രദ്ധിച്ചില്ലെന്നു വ്യക്തം.
ഉദ്യോഗസ്ഥാരുടെ ഒത്താശയോടെയാണു തട്ടിപ്പു നടത്തിയതെന്നാണു സൂചന. അനധികൃത ഭൂമിസമ്പാദനം ഉള്െപ്പടെ പുറത്തു വന്ന നിയമലംഘനങ്ങളെക്കുറിച്ചൊന്നും എം.എല്.എ. പ്രതികരിക്കാന് തയാറായിട്ടില്ല. അനധികൃതഭൂമി സമ്പാദനത്തില് അന്വറിനെതിരേ റവന്യൂവകുപ്പ് അന്വേഷണം തുടങ്ങിയിട്ടുണ്ട്.
ഭൂപരിഷ്കരണ നിയമം ലംഘിച്ച് 207.84 ഏക്കര് ഭൂമി െകെവശംവച്ചെന്ന പരാതിയിലും അന്വേഷണം നടക്കുകയാണ്. വ്യക്തിക്ക് നിയമപ്രകാരം െകെവശംവയ്ക്കാവുന്നത് 15 ഏക്കര് ഭൂമിയാണ്. ഇതില് 202.99 ഏക്കറും കാര്ഷികേതര ഭൂമിയാണെന്നു ചുണ്ടിക്കാട്ടി വിവരാവകാശപ്രവര്ത്തകരായ കെ.വി. ഷാജിയും മനോജ് കേദാരവും പരാതി നല്കി. കാര്ഷികേതര ഭൂമിക്കാണു പരിധി നിശ്ചയിച്ചിട്ടുള്ളതിനാല് അന്വറില്നിന്നു സര്ക്കാര് പിടിച്ചെടുക്കേണ്ടത് 187.99 ഏക്കര് ഭൂമിയാണ്.
തെരഞ്ഞെടുപ്പ് കമ്മിഷന് സമര്പ്പിച്ച സത്യവാങ്മൂലങ്ങളില് മറ്റു നിയമസഭാംഗങ്ങള് ഭൂമിയുടെ അളവ് ഏക്കറിലും സെന്റിലും രേഖപ്പെടുത്തിയപ്പോള് അന്വര് ചതുരശ്രയടിയിലാണ് അളവു രേഖപ്പെടുത്തിയിട്ടുള്ളത്. നിയമ ലംഘനം ശ്രദ്ധയില്പ്പെടാതിരിക്കാനാണ് ഇതെന്നാണു സംശയിക്കുന്നത്. 10 വര്ഷമായി എം. എല്.എ. ആദായനികുതി അടയ്ക്കുന്നില്ലെന്നു തെരഞ്ഞെടുപ്പ് സത്യവാങ്മൂലത്തിന്റെ അടിസ്ഥാനത്തില് മംഗളം റിപ്പോര്ട്ട് ചെയ്തിരുന്നു. ഇതിന്റെ അടിസ്ഥാനത്തില് ആദായനികുതി വകുപ്പും അന്വേഷണം ആരംഭിച്ചിട്ടുണ്ട്.
