ജെയ്പൂര്: വി.എച്ച്.പി രാജ്യാന്തര വര്ക്കിങ് പ്രസിഡന്റ് പ്രവീണ് തൊഗാഡിയക്കെതിരായ കേസ് രാജസ്ഥാന് പോലീസ് പിന്വലിച്ചു. കേസ് പിന്വലിക്കുന്നതിനുള്ള അപേക്ഷ രാജസ്ഥാന് പോലീസ് കോടതിയില് സമര്പ്പിച്ചു. പതിനഞ്ച് വര്ഷം മുന്പ് നിരോധനാജ്ഞ ലംഘിച്ച് പ്രകടനം നടത്തിയതിന് എടുത്ത കേസാണ് പിന്വലിക്കുന്നത്.
ഈ കേസില് അറസ്റ്റ് വാറണ്ടുമായി ഗുജറാത്തില് എത്തിയ രാജസ്ഥാന് പോലീസിന് തൊഗാഡിയ പിടികൊടുത്തിരുന്നില്ല. തുടര്ന്ന് അവശനിലയില് കണ്ടെത്തിയ അദ്ദേഹത്തെ ആശുപത്രിയില് പ്രവേശിപ്പിക്കുകയായിരുന്നു. ആശുപത്രിയില് വച്ച് നടത്തിയ വാര്ത്താ സമ്മേളനത്തില് രാജസ്ഥാനിലേയും ഗുജറാത്തിലേയും പോലീസ് തന്നെ വ്യാജ ഏറ്റുമുട്ടലിലുടെ വധിക്കാന് ശ്രമിക്കുന്നതായി തൊഗാഡിയ ആരോപിച്ചിരുന്നു. ഇതിന് പിന്നാലെയാണ് കേസ് പിന്വലിക്കുന്നത്.
