പാലക്കാട് അട്ടപ്പാടിയില് ആള്ക്കൂട്ടം മര്ദ്ദിച്ചുക്കൊലപ്പെടുത്തിയ മധുവിനും, ഗോത്രവിഭാഗങ്ങള്ക്കുമെതിരെ കടുത്ത ആക്ഷേപവും, തെറിവിളിയും പ്രചരിപ്പിച്ച ഫെയ്സ്ബുക്ക് പേജ് അടച്ചുപൂട്ടി. ഫാന് ഫൈറ്റ് ക്ലബ് എന്ന ഗ്രൂപ്പാണ് പ്രതിഷേധം ശക്തമായതിനെ തുടര്ന്ന് അടച്ചുപൂട്ടിയത്.
മുകേഷ് കുമാര് എന്നയാള് പങ്കുവെച്ച സോഷ്യല് മീഡിയാ പോസ്റ്റുകളിലൂടെയാണ് പേജില് നടക്കുന്ന സാമൂഹ്യവിരുദ്ധത ഉയര്ത്തിക്കൊണ്ടുവന്നത്. വയനാടന് ഗോത്രവിഭാഗക്കാരെ അധിക്ഷേപിച്ചു ഉയര്ന്ന പോസ്റ്റുകള്ക്കെതിരെ പ്രതികരിക്കണമെന്ന ആഹ്വാനവുമായി മുകേഷ് കുമാര് ഫെയ്സ്ബുക്കില് ഷെയര് ചെയ്തത്. എന്നാല് ഈ പോസ്റ്റിനെതിരെയും കടുത്ത പ്രതിഷേധം ഉയര്ന്നിരുന്നു. വന് പ്രതിഷേധം ഉയര്ന്നതിനു പിന്നാലെ പേജ് അഡ്മിന് തന്നെയാണ് പേജ് അടച്ചുപൂട്ടിയതെന്നാണ് വിവരം.
65,000 ത്തിലധികം അംഗങ്ങളുണ്ടായിരുന്ന പേജ് അപ്രത്യക്ഷമായെങ്കിലും ഇതേ പേരില് പുതിയ പേജുകള് ഫെയ്സ്ബുക്കില് പ്രത്യക്ഷപ്പെട്ടു തുടങ്ങിയിട്ടുണ്ട്.
