ചെന്നൈ: ബോളിവുഡ് നടി ശ്രീദേവിയുടെ മരണത്തില് ഊഹാപോഹങ്ങള് പ്രചരിക്കുന്നതിനെതിരെ നടിയും കോണ്ഗ്രസ് നേതാവുമായ ഖുശ്ബു. സൗന്ദര്യം വര്ദ്ധിപ്പിക്കുന്നതിനുള്ള ശസ്ത്രക്രിയകള് തിരിച്ചടിയായെന്നും അതാണ് ശ്രീദേവിയുടെ മരണത്തിലേക്ക് നയിച്ചതെന്നുമായിരുന്നു വാര്ത്തകള്.
അവരുടെ മൃതദേഹം നാട്ടിലെത്തിയിട്ട് പോലുമില്ല. എന്നാല് ഭ്രാന്ത് പിടിച്ച ചിലര് അവരുടെ ഭക്ഷണക്രമത്തേയും ജീവിത രീതിയേയും കീറിമുറിച്ച് പോസ്റ്റ്മോര്ട്ടം ചെയ്യുകയാണ്. ഒന്ന് നിര്ത്തൂ, തന്റേതായ രീതിയില് അഭിമാനത്തോടെ ജീവിച്ച ഒരു സ്ത്രീയെ നമുക്ക് നഷ്ടമായിക്കഴിഞ്ഞു. ഏതൊരു പുരുഷനേയും ലജ്ജിപ്പിക്കുന്ന വിധം അവര് പ്രശസ്തയായിരുന്നു. അതുകൊണ്ട് ദയവുചെയ്ത് മിണ്ടാതിരിക്കൂ-ഖുശ്ബു ട്വീറ്റ് ചെയ്തു.
Her mortals are yet to arrive and here we see some frenzy crazy heads doing an autopsy of her diet n lifestyle..take a break..we have lost a woman who lived her life on her terms,with dignity..made a name that can put any man to shame..so just shut up n let her #RIP #Sridevi
— khushbusundar (@khushsundar) February 26, 2018
വാര്ത്തകള് പ്രചരിപ്പിക്കുന്നവര്ക്കെതിരെ വിമര്ശനവുമായി നിര്മ്മാതാവ് എക്ത കപൂറും രംഗത്ത് വന്നിരുന്നു. ഹൃദ്രോഗമില്ലെങ്കിലും ശസ്ത്രക്രിയയുടെ പാര്ശ്വഫലമായല്ലാതെയും ജനസംഖ്യയില് ഒരു ശതമാനം പേര്ക്ക് ഹൃദയാഘാതം വരാമെന്ന് തന്റെ ഡോക്ടറെ ഉദ്ധരിച്ച് എക്താ കപൂര് ട്വീറ്റ് ചെയ്തു.
