ബംഗലൂരു: ഹോളി ആഘോഷത്തിനിടെ ടെക്കി ഒമ്പതാംനിലയില് നിന്ന് വീണ് മരിച്ചു. സുഹൃത്തുക്കള്ക്കായി ആഘോഷം സംഘടിപ്പിച്ച സോഫ്ട്വേര് എഞ്ചിനീയര് ആഘോഷത്തിനിടെ അബദ്ധത്തില് ബാല്ക്കണിയില് നിന്ന വീഴുകയായിരുന്നു. തെക്കുകിഴക്കന് ബംഗലൂരുവിലെ ബെല്ലന്ദൂരില് വ്യാഴാഴ്ച രാത്രിയാണ് സംഭവം.
ശോഭ ഡെയ്സി അപ്പാര്ട്ട്മെന്റിലെ താമസക്കാരനായ ഗൗതം കുമാര് (28) ആണ് മരിച്ചത്. പട്ന സ്വദേശിയാണ്. സുഹൃത്തുകള്ക്കൊപ്പം ഹോളി ആഘോഷിക്കുന്നതിനിടെ മാതാപിതാക്കളുടെ ഫോണ് വന്നു. ഫോണില് സംസാരിച്ചുകൊണ്ട് ബാല്ക്കണിയിലേക്ക് പോയ ഗൗതം പാരപ്പെറ്റില് കയറി നില്ക്കുമ്പോള് ബാലന്സ് തെറ്റി വീഴുകയായിരുന്നുവെന്ന് പോലീസ് പറയുന്നു.
ശബ്ദം കേട്ട് ഓടിയെത്തിയ സെക്യൂരിറ്റി ഗാര്ഡ് ആണ് രക്തത്തില് കുളിച്ചുകിടന്ന ഗൗതമിനെ കണ്ടെത്തിയത്. ഉടന് തന്നെ ഗൗതമിന്റെ സുഹുത്തുക്കളെ വിളിച്ചു. തലയ്ക്കേറ്റ മാരകമായ പരുക്കിനെ തുടര്ന്ന് ഗൗതം അവിടെവച്ചുതന്നെ മരണമടഞ്ഞിരുന്നു. മൃതദേഹം സെന്റ് ജോണ്സ് ആുെപത്രിയിലേക്ക് പോസ്റ്റുമോര്ട്ടത്തിനായി മാറ്റി. ഗൗതമിന്റെ സഹോദരി സ്വാതിയുടെ പരാതിയില് അസ്വഭാവിക മരണത്തിന് പോലീസ് കേസെടുത്തിട്ടുണ്ട്.
ആഘോഷത്തിനിടെ ഗൗതം മദ്യം കഴിച്ചിരുന്നുവെന്നു പോലീസ് പറയുന്നു. സിസിടിവി ദൃശ്യം പരിശോധിച്ചതില് അസ്വഭാവികമായി ഒന്നും സംഭവിച്ചതായി കാണുന്നില്ലെന്നും പോലീസ് അറിയിച്ചു. അഞ്ചു വര്ഷം മുന്പ് ബംഗലൂരുവില്ഇ എത്തിയ ഗൗതം ഏതാനും മാസങ്ങള്ക്ക് മുന്പ് മൂന്നു സുഹൃത്തുക്കള്ക്കൊപ്പം ചേര്ന്ന് ഒരു ഫ്ളാറ്റ് വാങ്ങി താമസം തുടങ്ങിയത്.
