തിരുവനന്തപുരം: എറണാകുളം അങ്കമാലി അതിരുപത ഭൂമി ഇടപാടില് ഇടപെട്ട് ഭരണപരിഷ്കരണ കമ്മീഷന് ചെയര്മാന് വി.എസ് അച്യുതാനന്ദന്. ഇടപാടിനെ കുറിച്ച് അന്വേഷണം നടത്തണം. കോടതി നിര്ദേശിച്ച രൂപത്തില് കേസെടുത്ത് അന്വേഷിക്കണം. ജസ്റ്റീസ് വി.ആര് കൃഷ്ണയ്യര് ശിപാര്ശ ചെയ്ത ചര്ച്ച് ആക്ട് നടപ്പാക്കുന്നത് പരിഗണിക്കണമെന്നും വി.സ് ആവശ്യപ്പെട്ടു.
മതമേലധ്യക്ഷന്മാര് പൊതുമുതല് സ്വകാര്യ സ്വത്ത് പോലെ കൈാര്യം ചെയ്യുന്നത് ഉചിതമല്ല. അതിരൂപതയിലെ ഭൂമി ഇടപാട് ഗൗരവതരമാണ്. അന്വേഷണം തടസ്സപ്പെടുത്താനുള്ള ശ്രമത്തില് നിന്ന് കര്ദ്ദിനാളും അദ്ദേഹത്തെ പിന്തുണയ്ക്കുന്നവരും പിന്മാറണമെന്നും വി.എസ് ആവശ്യപ്പെട്ടു.
ഭൂമി ഇടപാടില് ആദ്യമായാണ് ഒരു രാഷ്ട്രീയ നേതാവ് പരസ്യമായ നിലപാട് സ്വീകരിക്കുന്നത്. ഇടപാടില് കര്ദ്ദിനാള് അടക്കം നാലു പേര്ക്കെതിരെ കേസെടുത്ത് അന്വേഷിക്കാന് ഹൈക്കോടതി ഉത്തരവിട്ടിട്ടും പോലീസ് ഇതുവരെ തയ്യാറായിട്ടില്ല. കോടതി ഉത്തരവിന്റെ പുറത്ത് നിയമോപദേശം തേടിയിരിക്കുകയാണ് പോലീസ്.
