ന്യൂഡല്ഹി: രാജ്യസഭാ സീറ്റ് നല്കാത്തതില് പ്രതിഷേധിച്ച സമാജ്വാദി പാര്ട്ടി വിട്ട് ബിജെപിയില് എത്തിയ മുന് എസ്പി നേതാവ് നടി ജയാബച്ചനെ ആക്ഷേപിച്ച് വിവാദത്തില്. തനിക്ക് സീറ്റ് നല്കാതെ സീറ്റ് സിനിമയില് നൃത്തം ചെയ്തവള്ക്ക് നല്കിയെന്ന് ആക്ഷേപിച്ച സ്വന്തം വനിതാനേതാക്കളുടെ പോലും എതിര്പ്പ് വിളിച്ചു വരുത്തിയത് സമാജ്വാദി പാര്ട്ടിയുടെ മുന് ജനറല് സെക്രട്ടറി നരേഷ് അഗര്വാളാണ് വിവാദം വിളിച്ചു വരുത്തിയത്. ബിജെപിയിലെ വനിതാ നേതാവായ സുഷമാ സ്വരാജും സ്മൃതി ഇറാനിയും നരേഷിനെ പരസ്യമായി വിമര്ശിച്ചു രംഗത്ത് വന്നു.
രാഷ്ട്രീയ എതിരാളിയാണെങ്കിലും സ്ത്രീകളില് ഒന്നിനെ തൊട്ടെന്നാല് എല്ലാവരും ഒറ്റക്കെട്ടായി എതിര്ക്കുമെന്നാണ് സ്മൃതി ഇറാനി പ്രതികരിച്ചത്. സ്ത്രീകളില് ഒരാള്ക്ക് ഒരു വിഷയമുണ്ടായാല് രാഷ്ട്രീയം പോലും നോക്കാതെ തങ്ങള് ഒരുമിച്ച് നിന്ന് എതിര്ക്കുമെന്നാണ് സ്മൃതി ഇറാനി ട്വിറ്ററില് കുറിച്ചത്. സഞ്ജയ് നിരുപമിനെതിരേയുള്ള തന്റെ കേസ് കോടതിയില് എത്തിയിട്ട് അഞ്ചു വര്ഷമായി. എന്നാല് അത് മറ്റൊരു സ്ത്രീയെ അപമാനിക്കുന്നതിനുള്ള ഇളവായി കരുതേണ്ടെന്ന് സ്മൃതി ഇറാനി ട്വിറ്ററില് കുറിച്ചു.നരേഷ് അഗര്വാള് സമാജ്വാദി പാര്ട്ടി വിട്ട് ബിജെപിയില് എത്തുന്നതിന് സ്വാഗതം. എന്നാല് അത് ജയാബച്ചനെക്കുറിച്ച് ഉചിതമല്ലാത്തതും അംഗീകരിക്കാന് കഴിയാത്തതുമായ പരാമര്ശം നടത്തിക്കൊണ്ട് വേണ്ടെന്നായിരുന്നു സുഷമാസ്വാരാജിന്റെ വിമര്ശനം.
ഏഴൂതവണ യുപിയില് എംഎല്എ യും നിലവില് സമാജ്വാദി പാര്ട്ടിയുടെ മുന് ജനറല് സെക്രട്ടറിയും നിലവില് രാജ്യസഭാ എംപിയുമാണ് നരേഷ് അഗര്വാള്. എന്നാല് ഇത്തവണ പരിഗണിച്ചപ്പോള് നരേഷ് അഗര്വാളിനു വീണ്ടും സീറ്റ് നല്കാതെ ജയാബച്ചന് സീറ്റ് നല്കുകയായിരുന്നു. അഗര്വാളിന്റെ പാര്ട്ടി പ്രവേശനം പ്രഖ്യാപിക്കുന്നതിനായി റയില്വേമന്ത്രി പീയൂഷ് ഗോയല് ഇന്നലെ വാര്ത്താസമ്മേളനം വിളിച്ചു ചേര്ത്തിരുന്നു. ഇതിനിടയിലായിരുന്നു അഗര്വാളിന്റെ വിവാദ ട്വീറ്റ്.
