തിരുവനന്തപുരം: ഒരു മന്ത്രിയുടെ പഴ്സണല് സ്റ്റാഫ് അംഗങ്ങളും മുപ്പതോളം വനിതകളടക്കം ഉദ്യോഗസ്ഥരും ഉള്പ്പെടുന്ന ഔദ്യോഗിക വാട്ട്സ് ആപ്പ് ഗ്രൂപ്പില് മന്ത്രിയുടെ അഡീഷണല് പ്രൈവറ്റ് സെക്രട്ടറി പോസ്റ്റ് ചെയ്തത് അശ്ലീലദൃശ്യം. ഔദ്യോഗിക വിവരങ്ങള് െകെമാറിയിരുന്ന ഗ്രൂപ്പിലേക്കാണ് ദൃശ്യങ്ങളെത്തിയത്. െകെയബദ്ധമെന്നു പറഞ്ഞ് വകുപ്പിലെ ഉന്നതന് രക്ഷിക്കാന് ശ്രമിച്ചെങ്കിലും വിവരം മുഖ്യമന്ത്രിയുടെ മുന്നിലെത്തിയെന്നു സൂചന. 30 വനിതാ ഉദ്യോഗസ്ഥരടക്കം എഴുപതോളം പേരാണ് ഈ വാട്ട്സ് ആപ്പ് ഗ്രൂപ്പിലുള്ളത്.
പ്രതിഷേധമുയര്ന്നതോടെ ഗ്രൂപ്പ് അഡ്മിന്റെ സഹായത്തോടെ അഡീഷണല് പ്രൈവറ്റ് സെക്രട്ടറി മുഴുവന്പേരെയും ഗ്രൂപ്പില്നിന്നു പുറത്താക്കി. സംഭവം വിവാദമായതിനെത്തുടര്ന്ന്, പ്രതിഷേധിച്ച വനിതാ ഉദ്യോഗസ്ഥരില് ചിലരെ സെക്രട്ടേറിയറ്റിനു പുറത്തുനിയമിക്കുമെന്നു ഭീഷണിപ്പെടുത്തിയത് പ്രതിഷേധത്തിനിടയാക്കി. മന്ത്രിയുടെ ഓഫീസില് സ്ഥലംമാറ്റം ഉള്പ്പെടെ സുപ്രധാന കാര്യങ്ങള് െകെകാര്യം ചെയ്യുന്ന അഡീഷണല് പ്രൈവറ്റ് സെക്രട്ടറിക്കെതിരേ നടപടിയുണ്ടാകുമെന്നാണു വിവരം.
മറ്റൊരു വാട്ട്സ് ആപ്പ് ഗ്രൂപ്പില്നിന്നു ലഭിച്ച ദൃശ്യങ്ങളാണ് കഴിഞ്ഞ മാസം എട്ടിന് അര്ധരാത്രിയോടെ അഡീഷണല് പ്രൈവറ്റ് സെക്രട്ടറി ഔദ്യോഗിക ഗ്രൂപ്പില് പോസ്റ്റ് ചെയ്തത്. പിറ്റേന്നാണു പലരും ഇതു കണ്ടതും പ്രതിഷേധം ഉയര്ത്തിയതും. ദൃശ്യം നീക്കാന് കഴിയുമെങ്കിലും അതിനു മുതിരാതെ ഗ്രൂപ്പ്തന്നെ ഇല്ലാതാക്കുകയാണു ചെയ്തത്. മന്ത്രിമാരും പഴ്സനല് സ്റ്റാഫും സാമൂഹികമാധ്യമങ്ങളില് ഇടപെടുന്നതും ഫോണ് ഉപയോഗിക്കുന്നതും വളരെ സൂക്ഷിച്ചുവേണമെന്നു മുഖ്യമന്ത്രി നിര്ദേശിച്ചിരുന്നു. മന്ത്രി എ.കെ. ശശീന്ദ്രന്റെ രാജിക്കിടയാക്കിയ സംഭവത്തിന്റെ പശ്ചാത്തലത്തിലായിരുന്നു ഇത്.
