മുംബൈ: ഐപിഎല് പൂരത്തിന് ഇന്ന് മുംബൈ വാങ്കഡെ സ്റ്റേഡിയത്തില് ആവേശത്തുടക്കം. ഐപിഎല് ആവേശത്തിന്റെ ആദ്യ പോരാട്ടത്തില് വിരുന്നൂട്ടുന്നത് മുന് ചാമ്പ്യന്മാരാണ്. മൂന്നു തവണ കിരീടം ചുടിയ മുംബൈ ഇന്ത്യന്സും ഇടവേളയ്ക്കു ശേഷം തിരിച്ചെത്തിയ ചെന്നൈ സൂപ്പര് കിങ്സും ഇന്നും നേര്ക്കുസേര് എത്തുമ്പോള് ഫലം പ്രവചനാധീതം.
ആവേശപ്പോരാട്ടത്തില് ഇന്ന് തീപാറുമെന്ന് ഉറപ്പ്. 2010ലും 11 ലും ജേതാക്കളായ ധോനിയുടെ മഞ്ഞപ്പട വാതുവെയ്പ്പ് വിവാദത്തില്പ്പെട്ട് രണ്ടു വര്ഷശത്ത വിലക്കിനു ശേഷമാണ് ഐപിഎല്ലിലേക്ക് തിരിച്ചെത്തുന്നത്. 2013, 15,17 വര്ഷങ്ങളില് മുംബൈ ഇന്ത്യന്സാണ് കിരീടം ചൂടിയത്.
ആവേശപ്പോരാട്ടത്തിന് തൊട്ടുമുമ്പ് ചെന്നൈ സുപ്പര് കിങ്സിന് വന് തിരിച്ചടിയാണ് നേരിട്ടിരിക്കുന്നത്. ആദ്യ മത്സരത്തില് ഓപ്പണര് ഫാഫ് ഡുപ്ലെസിസി കളിക്കാന് സാധ്യതയില്ലെന്നാണ് റിപ്പോര്ട്ട്. ചെന്നൈ കോച്ച് സ്റ്റീഫന് ഫ്ളെമിങ്ങാണ് ഇതു സംബന്ധിച്ച സൂചന നല്കിയത്. ഓസ്ട്രേലിയയ്ക്കെതിരെ നടന്ന ടെസ്റ്റ് പരമ്പരയിലെ അവസാന മത്സരത്തിലാണ് ദക്ഷിണാഫ്രിക്കന് നായകന് ഫാഫ് ഡുപ്ലസിക്ക് പരിക്കേറ്റത്.
ചെന്നൈയ്ക്കായി ഡുപ്ലെസിയും മുരളി വിജയും ഓപ്പണിങ് ചെയ്യുമെന്നായിരുന്നു ചെന്നൈ ക്യാമ്പില് നിന്നുള്ള സൂചനകള്. എന്നാല് താരത്തിന്റെ പരിക്ക് ഗുരുതരമല്ലെന്നും ടൂര്ണമെന്റിലെ ഭൂരിഭാഗം മത്സരങ്ങളും കളിക്കുമെന്നും കോച്ച് വ്യക്തമാക്കി. മുരളി വിജയ്ക്കൊപ്പം സാം ബില്ലിങ്സ് ഓപ്പണിങ്ങിന് എത്താനാണ് സാധ്യത.
