ഗോള്ഡ്കോസ്റ്റ്: കോമണ്വെല്ത്ത് ഗെയിംസില് ഇന്ത്യയ്ക്ക് പതിനാറാം സ്വര്ണ്ണം. ഷൂട്ടിങ്ങ് വേദിയില് നിന്ന് രണ്ടു സുവര്ണ്ണത്തിളക്കവുമായി ഇന്ത്യ ഒമ്പതാം ദിനം കുതിപ്പ് തുടങ്ങി. പുരുഷന്മാരുടെ 25 മീറ്റര് റാപ്പിഡ് ഫൈര് പിസ്റ്റള് ഇനത്തില് അനീഷ് ഭന്വാലയാണ് ഇന്ത്യയ്ക്കായി പതിനാറാമത്തെ സ്വര്ണ്ണം നേടിയത്.
തേജസ്വിനി സാവന്തിന്റെ റെക്കോര്ഡ് സ്വര്ണ്ണത്തിളക്കത്തോടെയാണ് ഇന്ത്യയുടെ മെഡല്വേട്ടയ്ക്ക് ഇന്ന് തുടക്കമായത്. വനിതകളുടെ ഷൂട്ടിങ്ങില് 50 മീറ്റര് റൈഫിള് ത്രീ പൊസിഷനില് തേജസ്വിനി സാവന്താണ് ഗെയിംസ് റെക്കോര്ഡോടെ സ്വര്ണ്ണം നേടിയിരുന്നു.ഇതേ വിഭാഗത്തില് അന്ജും മുദ്ഗിലിനാണ് വെള്ളി.
457.9 പോയിന്റുമായി സാവന്ത് സ്വര്ണ്ണം നേടിയപ്പോള് 455.7 പോയിന്റുമായാണ് അന്ജും മുദ്ഗില് വെള്ളി നേടിയത്. തേജസ്വിനി യാദവ് 50 മീറ്റര് റൈഫിള് പ്രോണ് ഇവന്റില് ഇന്നലെ വെള്ളി നേടിയിരുന്നു. ഇതോടെ 16 സ്വര്ണ്ണവും എട്ടു വെള്ളിയും 10 വെങ്കലവും നേടിയ ഇന്ത്യയുടെ ആകെ മെഡല് നേട്ടം 33 ആയി. സിറിഞ്ച് ഉപയോഗിച്ചതിന്റെ പേരില് രണ്ടു താരങ്ങളെ ഗെയിംസില് നിന്ന് പുറത്താക്കിയതിന്റെ വാര്ത്ത വന്നതിനു പിന്നാലെയാണ് ആശ്വാസമായി സ്വര്ണ്ണനേട്ടമെത്തിയത്.
ഗോള്ഡ് കോസ്റ്റിലെ സ്വര്ണ്ണ, വെള്ളി നേട്ടത്തോടെ കോമണ്വെല്ത്ത് ഗെയിംസില് തേജസ്വിനി യാദവിന്റെ ആകെ മെഡല്വേട്ട ഏഴായി.2006 മെല്ബണില് 10 മീറ്റര് റൈഫിളിലും 10 മീറ്റര് എയര് റൈഫിളിലും താരം സ്വര്ണ്ണം ചുടിയിരുന്നു.
ബാഡ്മിന്റണില് ഇന്ത്യയുടെ കിഡംബി ശ്രീകാന്ത് സെമി ഫൈനലില് പ്രവേശിച്ചിട്ടുണ്ട്. വനിതകളുടെ ബാഡ്മിന്റണ് ഡബിള്സില് അശ്വതി പൊന്നപ്പ, സികി റെഡ്ഡി സഖ്യം സെമിയില് പ്രവേശിച്ചിരിക്കുന്നത് ഇന്ത്യയുടെ മെഡല് പ്രതീക്ഷ ഉണര്ത്തിയിരിക്കുന്നു.
