ഗോള്ഡ്കോസ്റ്റ്: മെഡല്വേട്ടയില് അര്ദ്ധസെഞ്ചുറി കുറിച്ചു സുമിത് മാലിക്കിന്റെ സ്വര്ണ്ണത്തിളക്കം. ഇന്ത്യയുടെ സ്വര്ണ്ണവേട്ട 22 ആയി. പുരുഷ വിഭാഗം 125 കിലോ ഫ്രീ നോര്ഡ്സിലാണ് സുമിത് മാലിക് സ്വര്ണ്ണം നേടിയത്. പരിക്കിനെ തുടര്ന്ന് എതിരാളിയായ നൈജീരിയയുടെ സിനിവേ ബോള്ട്ടിക്ക് പിന്മാറിയിരുന്നു. തുടര്ന്ന് പാക്കിസ്ഥാന്റെ തയാബ് റാസയെ 10-4 നു മലര്ത്തിയടിച്ചാണ് സുവര്ണ്ണ നിമിഷം ഇന്ത്യയ്ക്ക് സമ്മാനിച്ചത്. വനിതകളുടെ 50 കിലോ ഗുസ്തിയില് വിനേഷ് ഫോഗട്ട് സ്വര്ണ്ണം നേടി.
വനിതാ ഗുസ്തിയില് 62 കിലോ വിഭാഗത്തില് സാക്ഷി മാലിക് വെങ്കലം നേടി. 62 കിലോ നോഡ്രിക് വിഭാഗത്തിലാണ് സാക്ഷി മാലിക് മെഡല് നേടിയത്. 2014 ല് 58 കിലോ ഫ്രീസ്റ്റെലില് സാക്ഷി വെള്ളിയും 2016 ലെ റിയോ ഒളിമ്പിക്സില് വെങ്കലവും നേടിയിട്ടുണ്ട്. ഒളിമ്പിക്സ് ഗുസ്തിയില് മെഡല് നേടിയ ആദ്യ വനിതാ താരമായിരുന്നു സാക്ഷി മാലിക്. ഇതോടെ 22 സ്വര്ണ്ണവും, 13 വെള്ളിയും 15 വെങ്കലവും ഉള്പ്പെടെ 50 മെഡലുകളുമായി ഇന്ത്യ മുന്നാം സ്ഥാനത്ത് തുടരുകയാണ്.
