സുധ രമണിയോട്:
''എവിടെയും സ്ത്രീകള്ക്കല്ലേ മുന്ഗണന. കാമുകീകാമുകന്മാര്, വധൂവരന്മാര്, ഭാര്യാഭര്ത്താക്കന്മാര്, ഇംഗ്ലീഷില് ലേഡീസ് ആന്റ് ജെന്റില്മെന്... അങ്ങനെ ഒരുപാട്...''
രമണി: ''ഇന്നലെ എന്റെ ഭര്ത്താവ് ഒരുത്തിയോട് മിണ്ടിയപ്പോള് പുരുഷനായിരുന്നു മുന്ഗണന.''
സുധ: ''അവള് എന്തുപറഞ്ഞു?''
രമണി: ''ആണും പെണ്ണും കെട്ടവനേയെന്ന്...''
- ടോമി, ചെറുപുഴ
****
ബസ്സ്റ്റാന്ഡില് കണ്ട നേതാവിനോട് അനുയായി:
''നേതാവെന്താ ഈ രാത്രിയില് ബസ്സ്റ്റാന്റില്?''
നേതാവ്: ''തിരുവനന്തപുരം വരെ ഒന്നു പോണം.''
അനുയായി: ''എങ്കില് ട്രെയിനില് പോകാന് പാടില്ലായിരുന്നോ? അതല്ലേ സുഖം?''
നേതാവ്: ''എന്നിട്ടുവേണം അടുത്ത പുസ്തകത്തില് എന്റെ പേരു വരാന്.''
- മണി, പത്തനംതിട്ട
*****
ഡോക്ടര് രോഗിയുടെ ഭര്ത്താവിനോട്:
''അന്ന് നെഞ്ചുവേദന വന്നപ്പം ഭാര്യയെ ഉടന് ഇവിടെയെത്തിച്ചല്ലോ.... ഇപ്പോഴെന്താ വേദന വന്നപ്പം കൊണ്ടുവരാന് ഒരാഴ്ച താമസിച്ചത്?''
ഭര്ത്താവ്: ''അന്ന് സ്ത്രീധനത്തിന്റെ ബാക്കി കിട്ടാനുണ്ടായിരുന്നു. ഇപ്പോള് അതു കിട്ടി.''
- ഹരീഷ്, ആനയറ
ശ്രീജ ഭര്ത്താവിനോട്:
''എനിക്ക് 58 വയസായി. ഇപ്പോഴും നിങ്ങളുടെ ഒരു സുഹൃത്തിന് എന്നില് ആകര്ഷണം തോന്നുന്നത്രേ...''
ഭര്ത്താവ്: ''ഒരുപക്ഷേ അത് നമ്മുടെ രമേശനാവും.''
ശ്രീജ: ''എങ്ങനെ മനസിലായി?
ഭര്ത്താവ്: ''അയാള് ആക്രിക്കച്ചവടക്കാരനല്ലേ...''
- സന്തോഷ്, കോട്ടയം
*****
മുതലാളി ജോലിക്കാരനോട്:
''നീ ഇങ്ങനെ കള്ളുകുടിക്കരുതെന്ന് ഞാന് പറഞ്ഞിട്ടില്ലേ?''
ജോലിക്കാരന്: ''മുതലാളീ... ഈ കുപ്പിയില് നിറയെ ഉണ്ടെങ്കിലും മുക്കാലും അമ്മാവനാണ്.''
മുതലാളി: ''ഇന്നു നീ കുടിക്കരുത്. നിന്റെ ഓഹരി തറയില് കമഴ്ത്തിക്കളഞ്ഞേക്ക്.''
ജോലിക്കാരന്: ''എന്റെ ഓഹരി കുപ്പിയുടെ അടിയിലാ മുതലാളീ... മീതെയുള്ളതു മുഴുവന് അമ്മാവന്റേതാണ്.''
- ദിലീപ്, പാലക്കാട്
പുതുമുഖനായകനോട് സംവിധായകന്: ''ആദ്യം താങ്കളൊരു പെണ്കുട്ടിയെ ഉമ്മവയ്ക്കുന്ന സീനാണ്.''
നായകന് സന്തോഷത്തോടെ:
''ഞാന് ആ കുട്ടിയുടെ കാമുകനാണോ സാര്?''
സംവിധായകന്: ''അല്ല. നിങ്ങള് ആ ചോരക്കുഞ്ഞിന്റെ അച്ഛനാണ്.''
- ജ്യോതി, കീഴാറ്റൂര്
രാവിലെ എഴുന്നേറ്റുവന്ന ഭര്ത്താവ് ഭാര്യയോട്:
''സുപ്രഭാതം...''
ഭാര്യ ഞെട്ടിപ്പോയി. ഒരിക്കലും ഒരു നല്ലവാക്ക് പറഞ്ഞിട്ടില്ലാത്ത ഇയാള്ക്കിത് എന്തുപറ്റി?
അടുത്ത ദിവസവും ഭര്ത്താവ് പറഞ്ഞു: ''സുപ്രഭാതം...''
ദിവസങ്ങളോളം ഇതു തുടര്ന്നപ്പോള് ആകാംക്ഷ അടക്കാനാവാതെ ഭാര്യ ചോദിച്ചു: ''ഈയിടെയായി എന്താ മനുഷ്യാ നിങ്ങള്ക്ക് എന്നോടിത്ര സ്നേഹം?''
ഭര്ത്താവ് പൊട്ടിച്ചിരിച്ചു:
''കഴിഞ്ഞ മാസം വഴക്കുണ്ടാക്കിയപ്പോള് നീ പറഞ്ഞില്ലേ, ഒരു സുപ്രഭാതത്തില് ഈ വീടുവിട്ടു പോകുമെന്ന്. ഓരോ ദിവസവും ഞാന് നിന്നെ ഓര്മ്മിപ്പിക്കുന്നതാടീ സുപ്രഭാതമാണെന്ന്.''
