പ്രധാന കാമുകനൊപ്പം ജീവിക്കാന് സൗമ്യ ആഗ്രഹിച്ചിരുന്നു; മാതാപിതാക്കളുടെ ആശുപത്രി ബില് അടച്ചതും ഈ കാമുകന്; കൊലയില് കാമുകന്മാരുടെ പങ്ക് തേടി പോലീസ്
കണ്ണൂര് : പിണറായി കൂട്ടക്കൊലയില് പ്രതി പട്ടികയിലുള്ള സൗമ്യ താന് ഒറ്റയ്ക്കാണ് മാതാപിതാക്കളെയും മകള് ഐശ്വര്യയേയും കൊന്നതെന്ന് ആവര്ത്തിച്ച് പറയുമ്പോഴും കാമുകന്മാരിലേയ്ക്ക് സംശയം നീളുന്നു. കാമുകന്മാരില് സൗമ്യ ഏറ്റവും കൂടുതല് ഇഷ്ടപ്പെട്ടിരുന്ന ആളുടെ പങ്കാണ് പരിശോധിക്കുന്നത്. മക്കളും മാതാപിതാക്കളും ഇല്ലാതായതോടെ കാമുകന്മാരില് ഒരാള്ക്കൊപ്പം ജീവിക്കാമെന്ന് സൗമ്യ പ്രതീക്ഷിച്ചിരുന്നു. അതുകൊണ്ടു തന്നെ വീട്ടിലെ ഓരോ മരണങ്ങള്ക്ക് ശേഷവും ഇയാളും സൗമ്യയും തമ്മില് ഫോണിലൂടെ കൂടുതല് അടുക്കുകയായിരുന്നു.
ഛര്ദ്ദിയെ തുടര്ന്ന് സൗമ്യയുടെ അച്ഛനെയും അമ്മയേയും തലശ്ശേരി സഹകരണ ആശുപത്രിയില് പ്രവേശിപ്പിച്ചപ്പോള് അന്നത്തെ ബില് അടച്ചതും കൂട്ടത്തില് പ്രധാനിയായ ആ കാമുകനായിരുന്നു.
തുടച്ചയായ ദുരൂഹമരണങ്ങളിലൂടെ ഉറ്റവരെ നഷ്ടമായ സൗമ്യയെ ആശ്വസിപ്പിക്കാന് മുഖ്യമന്ത്രി എത്തിയപ്പോള് ധനസഹായ അപപേക്ഷ നല്കി കാത്തിരുന്ന സൗമ്യയേയും കാമുകന്മാരെയും ഭയപ്പെടുത്തിയത് മുഖ്യമന്ത്രിയുടെ നിര്ദേശ പ്രകാരമുള്ള അന്വേഷണ ഉത്തരവായിരുന്നു. പോലീസ് നടപടി ശക്തമായതോടെ പിടിച്ചു നില്ക്കാന് കഴിയാതെ സാഹചര്യം ഉണ്ടാകുകയും ഒരു കാമുകനുമായി ചേര്ന്ന് നടത്തിയ നാടകത്തിന്റെ ഭാഗമായി സൗമ്യയേയും ഛര്ദിയെ തുടര്ന്ന് ആശുപത്രിയല് പ്രവേശിപ്പിക്കുകയായിരുന്നു. അപ്പോഴേക്കും സൗമ്യയിലെ ക്രിമിനലിനെ കുറിച്ചുള്ള സൂചനകള് ലഭിച്ചു തുടങ്ങിയിരുന്നു.
