ന്യൂഡല്ഹി: നരേന്ദ്രമോഡിയും ഷീ ചിന്പിംഗും തമ്മില് സൗഹൃദം പങ്കുവെച്ച് അനൗപചാരിക ഉച്ചകോടി മുമ്പോട്ടു പോകുമ്പോഴും അതിര്ത്തി കെട്ടിയുറപ്പാക്കി ഇന്ത്യ. ചൈനീസ് കടന്നുകയറ്റവും ഭീഷണിയും ചെറുക്കാന് ഇന്ത്യ ഇരു രാജ്യങ്ങളുടെയും അതിര്ത്തിയില് 96 ഔട്ട് പോസ്റ്റ് പുതിയതായി നിര്മ്മിക്കാന് തീരുമാനിച്ചു. ഇന്തോ ടിബറ്റ് ബോര്ഡര് പോലീസിന്റെ ഔട്ട് പോസ്റ്റായിരിക്കും ഇത്.
ആഭ്യന്തര, പ്രതിരോധ, വിദേശകാര്യ വകുപ്പുകളുടെ കൂടിയാലോചനയ്ക്ക് ശേഷമാണ് തീരുമാനം. ഇതോടെ 3488 കിലോമീറ്റര് നീളം വരുന്ന അതിര്ത്തിയില് ഇന്ത്യന് സൈന്യത്തിന് എളുപ്പത്തില് അതിര്ത്തിയില് എത്തിച്ചേരാന് ഈ ഔട്ട് പോസ്റ്റുകള് സഹായകരമാകും. ദുര്ഘടമായ പാതയിലൂടെ ഇവിടെ എത്തിച്ചേരുന്ന ഇന്ത്യന് സൈന്യത്തിന് ഇതോടെ അതിര്ത്തിയില് എത്തുന്ന കാര്യത്തില് സമയലാഭം കിട്ടും.
ചൈനീസ് നീക്കങ്ങള് കൃത്യമായി നിരീക്ഷിക്കത്തക്ക വിധത്തില് 12,000 മുതല് 18,000 അടി ഉയരങ്ങളിലായിരിക്കും ഈ പോസ്റ്റുകള്. ഇവ കൂടി വരുന്നതോടെ ഇന്ത്യ-ചൈനാ അതിര്ത്തിയിലെ ഔട്ട്പോസ്റ്റുകളുടെ എണ്ണം 272 ആകും. ഇതിനൊപ്പം 9000 പേര് നിരക്കുന്ന ഒമ്പതു ബറ്റാലിയന് കൂടി ചേര്ത്ത് സേനയുടെ കശ്തി കൂട്ടാനും ഉദ്ദേശമുണ്ട്. അരുണാചല് പ്രദേശ്, ഉത്തരാഖണ്ഡ്, ഹിമാചല് പ്രദേശ് എന്നിവിടങ്ങളിലെ അതിര്ത്തിയിലേക്ക് 25 ആധുനിക റോഡുകള് നിര്മ്മിക്കുമെന്ന് കഴിഞ്ഞ വര്ഷം രാജ്നാഥ് സിംഗ് പറഞ്ഞിരുന്നു.
