കൊല്ലം: മുതിര്ന്ന നേതാവ് സി.ദിവാകരനെ സിപിഐ ദേശീയ കൗണ്സിലില് നിന്ന് ഒഴിവാക്കി. ദിവാകരനു പുറമെ സി.എന് ചന്ദ്രന്, സത്യന് മൊകേരി, കമലാ സദാനന്ദന് എന്നിവരേയും ഒഴിവാക്കിയിട്ടുണ്ട്.
അതേസമയം തനിക്ക് ഗോഡ്ഫാദര്മാരില്ലെന്ന് ദിവാകരന് തുറന്നടിച്ചു. ആരുടെയും സഹായത്തില് തുടരാനില്ലെന്നും, സുധാകര് റെഡ്ഡിയുടെ തണലില് കമ്മിറ്റിയിലേക്ക് വരേണ്ടതില്ലെന്നും അദേഹം പറഞ്ഞു. എന്നു കരുതി ഒഴിവാക്കിയതില് നിരാശയില്ലെന്നും ദിവാകരന് പറഞ്ഞചു. എന്നാല് കേരളനേതൃത്വം തനിക്കു വേണ്ടി സംസാരിച്ചോയെന്ന് അറിയില്ലെന്നും ദിവാകരന് കൂട്ടിച്ചേര്ത്തു. ദേശീയ കൗണ്സിലില് നിന്ന് ഒഴിവാക്കിയതിനു പിന്നാലെ കേരളത്തില് നിന്നുള്ള പ്രതിനിധികളുടെ യോഗം ബഹിഷ്കരിക്കുകയും ചെയ്തു.
തന്നെ ഒഴിവാക്കിയതില് അതൃപ്തി പരസ്യമായി സി.ദിവാകരന് പ്രകടിപ്പിച്ചതിനു പിന്നാലെ വിശദീകരണവുമായി സിപിഐ സംസ്ഥാന സെക്രട്ടറി കാനം രാജേന്ദ്രന് രംഗത്തെത്തി. പുതിയ ഭരണഘടന അനുസരിച്ച് 20 ശതമാനത്തോളം പുതിയ അംഗങ്ങള് വരണമെന്നുണ്ട്. പുതിയ അംഗങ്ങളെ തീരുമാനിച്ചത് ഐക്യകണ്ഠേനയെന്നും കാനം പറഞ്ഞു.
ദേശീയ കൗണ്സിലില് പുതിയതായി കേരളത്തില് നിന്ന് അഞ്ചു പേരുണ്ട്. എന്.രാജന്, എന്. അനിരുദ്ധന്, പി.വസന്തം, കെ.പി. രാജേന്ദ്രന്, ഇ. ചന്ദ്രശേഖരന്, മഹേഷ് കക്കത്ത്ക്രാന്ഡിഡേറ്റ് അംഗം) എന്നിവരാണ് പുതിയതായി കൗണ്സിലിലെത്തിയവര്. കൊല്ലത്ത് നടക്കുന്ന 23-ാം പാര്ട്ടി കോണ്ഗ്രസിന് ഒരു ലക്ഷം പേര് പങ്കെടുക്കുന്ന മാര്ച്ചോടെ ഇന്ന് സമാപിക്കും.
