രാജ്യത്തിന് മാതൃക: ചരിത്രമായി ആദ്യ ട്രാന്സ്ജെന്ഡര് വിവാഹം കേരളത്തില് നടന്നു
തിരുവനന്തപുരം: ലോകത്തിന് തന്നെ മാതൃകയായി കേരളത്തില് ആദ്യ ട്രാന്സ് ജെന്ഡര് വിവാഹം നടന്നു. എല്ലാവരും തുല്യരാണെന്നോര്മ്മിപ്പിച്ച് ഇഷാന് സൂര്യയുടെ കഴുത്തില് മിന്നു ചാര്ത്തി. കേരളത്തിലാദ്യമായാണ് ലിംഗമാറ്റ ശസ്ത്രക്രിയയ്ക്ക് വിധേയരായ രണ്ടു പേര് ഒന്നു ചേരുന്നത്.
തിരുവനന്തപുരം പ്രസ്ക്ലബ്ബിന് സമീപത്തെ മന്നം മെമ്മോറിയല് ഹാളില് സജ്ജീകരിച്ച പന്തലില് വെച്ചായിരുന്നു ചടങ്ങുകള്. നൂറു കണക്കിന് ട്രാന്സ് ജെന്ഡേഴ്സ് ഈ അഭിമാന നിമിഷത്തിന് സാക്ഷിയാകാന് കേരളത്തിന്റെ വിവിധ ഭാഗങ്ങളില് നിന്നെത്തി. വിവിധ മേഖലകളില് നിന്നുള്ള പ്രമുഖരും ആശംസയുമായെത്തി.
ഹയര്സെക്കന്ഡറി പരീക്ഷാ ഫലങ്ങള് പ്രഖ്യാപിച്ചു. 83.75 ശതമാനം വിജയം
തിരുവനന്തപുരം: സംസ്ഥാനത്ത് ഹയര്സെക്കന്ഡറി പരീക്ഷാ ഫലങ്ങള് പ്രഖ്യാപിച്ചു. 83.75 ശതമാനം വിജയം കൈവരിച്ചു. കഴിഞ്ഞ വര്ഷത്തേക്കാള് വിജയശതമാനം വര്ദ്ധിച്ചിട്ടുണ്ട്. വിദ്യാഭ്യാസമന്ത്രി സി. രവീന്ദ്രനാഥാണ് ഫലം പ്രഖ്യാപിച്ചിരിക്കുന്നത്.
പരീക്ഷ എഴുതിയതില് 3,09,065 വിദ്യാര്ത്ഥികളാണ് വിജയിച്ചത്. ഏറ്റവുമധികം വിദ്യാര്ത്ഥികള് വിജയിച്ചിരിക്കുന്നത് കണ്ണൂരില് നിന്നുമാണ്. 86.75 ശതമാനമാണ് ഇവിടുത്തെ വിജയശതമാനം. ഏറ്റവും കുറവ് വിജയ ശതമാനം വിജയം വന്നിരിക്കുന്നത് പത്തനംതിട്ടിയിലാണ്. 77.16 ശതമാനമാണ് പത്തംതിട്ടിയിലെ വിജയശതമാനം.
കര്ണാടകയില് കോണ്ഗ്രസിനും കെ.സി വേണുഗോപാലിനും എതിരെ സരിതയെ രംഗത്തിറക്കാന് ബി.ജെ.പി; ബംഗുളൂരുവില് സരിതയുടെ വാര്ത്താ സമ്മേളനം ഇന്ന്
ബംഗുളൂരു : കര്ണാടക നിയമസഭ തിരഞ്ഞെടുപ്പിന്റെ അവസാന ദിവസമായ ഇന്ന് സോളാര് തട്ടിപ്പ് കേസ് സരിത എസ് നായരെ രംഗത്തിറക്കാനൊരുങ്ങി ബിജെപി. എഐസിസി ജനറല് സെക്രട്ടറി കെസി വേണുഗോപാലിനും കോണ്ഗ്രസിനും എതിരെയാണ് ബി.ജെ.പി ഇത്തരമൊരു തുറുപ്പു ചീട്ട് പുറത്തെടുക്കുന്നത്.
ശ്രീജിത്തിന്റെ കസ്റ്റഡി മരണത്തില് നാലു പോലീസുകാര് കൂടി പ്രതികള്
വരാപ്പുഴയില് പോലീസ് കസ്റ്റഡിയിലെടുത്ത ശ്രീജിത്ത് എന്ന യുവാവ് മരിച്ച സംഭവത്തില് നാല് പോലീസുകാരെക്കൂടി പ്രതിചേര്ത്തു. ഏപ്രില് ആറിന് ശ്രീജിത്തിനെ കസ്റ്റഡിയില് എടുക്കുമ്പോള് വരാപ്പുഴ സ്റ്റേഷനില് ഉണ്ടായിരുന്നവരെയാണ് പ്രതി ചേര്ത്തിട്ടുള്ളത്.
നാല് പോലീസുകാരുടെ പേരുകള് കൂടി ഉള്പ്പെടുത്തിയുള്ള കുറ്റപത്രം കോടതിയില് സമര്പ്പിച്ചു. എ.എസ്.ഐമാരായ ജയാനന്ദന്, സന്തോഷ്, സി.പി.ഒമാരായ ശ്രീരാജ്, സുനില്കുമാര് എന്നിവരാണ് കേസില് പ്രതിചേര്ക്കപ്പെടുന്നത്. ശ്രീജിത്തിനെ അന്യായമായി തടങ്കലില് വെയ്ക്കാന് കൂട്ടുനിന്നു എന്നതാണ് ഇവര്ക്കെതിരെ ചുമത്തിയിരിക്കുന്ന കുറ്റം.
സൗമ്യ ഉപയോഗിച്ചിരുന്നത് 5 മൊബൈല് ഫോണുകളും ഏഴ് സിം കാര്ഡുകളും; കാമുകന് അയച്ച ആ സന്ദേശം തെളിവായി; ജാമ്യത്തിലിറങ്ങാന് തയ്യാറല്ലെന്ന് സൗമ്യ
കണ്ണൂര് : പിണറായിയില് മാതാപിതാക്കളെയും മകളേയും എലിവിഷം കൊടുത്ത് കൊന്ന കേസിലെ പ്രതി സൗമ്യ ഉപയോഗിച്ചിരുന്നത് അഞ്ച് മൊബൈല് ഫോണുകളും ഏഴ് സിം കാര്ഡുകളും. ഇവയെല്ലാം പിടിച്ചെടുത്ത പോലീസ് മൊബൈല് ഫോണ് കോളുകളുടെ വിശദാംശങ്ങള് ശേഖരിച്ചിട്ടുണ്ട്. നാലു ദിവസത്തെ തെളിവെടുപ്പുകള്ക്ക് ശേഷം സൗമ്യയെ ഇന്ന് കോടതിയില് ഹാജരാക്കും.
