ഗസിയാബാദ്: പിതാവിന്റെ കൊലപ്പെടുത്തുന്നതിന് സാക്ഷിയാകേണ്ടി വന്ന യുവാവിനും കേസ് വിചാരണയ്ക്കിടയില് സമാന അനുഭവം. പ്രധാന സാക്ഷിയായിരുന്നു ദളിത് യുവാവിനെ പിതാവിനെ കൊന്ന അതേ രീതിയില് അക്രമികള് വെടിവെച്ചു കൊന്നു. ഗസിയാബാദിലെ നെയ്ഫാള് ഗ്രാമത്തില് നടന്ന സംഭവത്തില് നാട്ടുകാരനായ 40 കാരന് മഹേന്ദ്രനാണ് മരണമടഞ്ഞത്.
ഇയാളുടെ പിതാവിനെ വെടിവെച്ചു കൊലപ്പെടുത്തിയ കേസില് പ്രധാന സാക്ഷിയായിരുന്നു. പിന്നില് ജാതിപ്പോരാണെന്നാണ് പോലീസ് പറയുന്നത്. മസൂരി ടൗണ് പോലീസ് സ്റ്റേഷന് പരിധിയില് നടന്ന കുറ്റകൃത്യത്തില് അക്രമികളെ തിരിച്ചറിഞ്ഞിട്ടുണ്ട്.
വ്യാഴാഴ്ച സ്ഥലത്തെ സ്വകാര്യ സ്കൂളിന്റെ പരിസരത്ത് വാഹനം പാര്ക്ക് ചെയ്ത ശേഷം വീട്ടിലേക്ക് മടങ്ങുമ്പോള് ബൈക്കില് എത്തിയ അഞ്ചുപേര് വെടിവെച്ചു കൊന്ന ശേഷം രക്ഷപ്പെടുക ആയിരുന്നു. സ്ഥലത്തു വെച്ചു തന്നെ ഇയാള് മരണമടഞ്ഞു. നേരത്തേ 2009 ഫെബ്രുവരി 19 ന് കൂലിപ്പണിക്കാരനായ പിതാവ് കൊല്ലപ്പെട്ടതിന്റെ വിചാരണ നടന്നു വരികയായിരുന്നു.
സഹോദരന്റെ വിവാഹ ചടങ്ങിനിടെ കൂലിപ്പണിക്കാരനായ പിതാവ് സാഹിബ് റാമിനെയും വെടിവെച്ചു കൊല്ലുകയായിരുന്നു. മൂത്ത മകന്റെ വിവാഹ ഘോഷയാത്രയ്ക്കിടയിലായിരുന്നു ഈ സംഭവം. കേസില് ജില്ലാ കോടതിയില് വിചാരണ നടക്കുകയാണ്. അവര്ണ്ണ ജാതിക്കാര് വിവാഹഘോഷയാത്രകള് നടത്തുന്നത് എതിര്ത്ത സവര്ണ്ണ ജാതിക്കാര് എതിര്പ്പ് മറികടന്നു ഘോഷയാത്ര നടത്തിയതാണ് സാഹിബ് റാമിനെ വെടിവെച്ചു കൊല്ലുകയായിരുന്നു.
സംഭവം നടക്കുമ്പോള് ഇടയ്ക്കു കയറുകയും തടയാന് ശ്രമിക്കുകയും മഹേന്ദ്ര ചെയ്തിരുന്നു. കേസില് ശത്രുക്കള്ക്കെതിരേ മൊഴി നല്കാതിരിക്കാന് ഏതാനും ദിവസങ്ങള്ക്ക് ശേഷം അക്രമികള് മഹേന്ദ്രയെ ഭീഷണിപ്പെടുത്തി. പിതാവിന്റെ മരണത്തില് സാക്ഷിപറയാന് വെച്ചേക്കില്ലെന്നായിരുന്നു ഭീഷണി.
