ചെങ്ങന്നുര്: ശക്തമായ ത്രികോണ മത്സരം പ്രതീക്ഷിച്ച ചെങ്ങന്നൂരില് എല്ഡിഎഫ് പ്രതീക്ഷ തെറ്റിക്കാതെ തന്നെ സജി ചെറിയാന്െ്റ ഭൂരിപക്ഷം 16,000 കടന്നു. 56,301 വോട്ടുകള് സജി ചെറിയാന് നേടിയപ്പോള് 40,019 വോട്ടുകളാണ് യുഡിഎഫ് സ്ഥാനാര്ത്ഥി ഡി വിജയകുമാറിന്് നേടാനായത്. മൂന്നാം സ്ഥാനത്തായ ബിജെപിയുടെ ശ്രീധരന്പിള്ള 29,271 വോട്ടുകള് നേടി.
ഇനി 34 ബൂത്തുകളിലെ ഫലം മാത്രം ബാക്കി നില്ക്കേ കഴിഞ്ഞ തവണത്തേതിനേക്കാള് ഇരട്ടി ഭൂരിപക്ഷത്തിലാണ് എല്ഡിഎഫ് സ്ഥാനാര്ത്ഥി ജയിക്കുന്നത്. 16,282 േവാട്ടിെന്റ ലീഡാണ് എല്ഡിഎഫിന്. വോട്ടെണ്ണല് ആറു പഞ്ചായത്തുകളില് പൂര്ത്തിയായപ്പോള് ഒരിടത്തു പോലും പിന്നിലാകാതെയാണ് എല്ഡിഎഫ് കുതിക്കുന്നത്. എല്ഡഎഫ് വന് വിജയം നേടുമ്പോള് കോണ്ഗ്രസ് നേരിടുന്നത് സമീപകാലത്ത് നേരിട്ട ഏറ്റവും വലിയ പരാജയമാണ്. 5000 വോട്ടുകളുടെ കുറവ് യുഡിഎഫിന് കഴിഞ്ഞ തെരഞ്ഞെടുപ്പുകളെ താരതമ്യം ചെയ്യുമ്പോള് സംഭവിച്ചു.
ജന്മനാടായ മുളക്കുഴയും ശക്തമായ ഇടതുപശ്ചാത്തലമുള്ള മാന്നാറും സജി ചെറിയാന് നല്കിയത് വന് ഭുരിപക്ഷം നല്കിയത്. ബിജെപി ആഭിമുഖ്യമുള്ള തിരുവന് വണ്ടൂര് പോലും ഒപ്പം നിന്നു. വോട്ടെണ്ണല് പകുതി പൂര്ത്തിയായപ്പോള് തന്നെ സജി ചെറിയാന് കഴിഞ്ഞ തവണത്തെ ലീഡ് മറികടന്നു. കഴിഞ്ഞ തവണത്തെ എല്ഡിഎഫ് സ്ഥാനാര്ത്ഥി കെ കെ രാമചന്ദ്രന് നേടിയത് 7,983 വോട്ടുകളുടെ ഭൂരിപക്ഷമായിരുന്നു. എണ്ണല് പൂര്ത്തിയായ എല്ലാ പഞ്ചായത്തുകളിലും എല്ഡിഎഫ് മേല്ക്കോയ്മായിരുന്നു.
മാന്നാറില് 2629 വോട്ടുകളുടെ ഭൂരിപക്ഷം നേടിയ എല്ഡിഎഫ് പാണ്ടനാട്ട് 498 വോട്ടുകളുടെ ഭൂരിപക്ഷവും ബിജെപിയുടെ ശക്തി കേന്ദ്രമായ തിരുവന്വണ്ടൂരില് 208 വോട്ടുകളുടെയും യുഡിഎഫ് മേല്ക്കോയ്മയുളള ചെങ്ങന്നൂര് മുനിസിപ്പാലിറ്റിയില് 753 വോട്ടുകളുടെ ഭൂരിപക്ഷവും നേടി. ജന്മദേശമായ മുളക്കുഴ 3637 വോട്ടുകളുടെ ഭൂരിപക്ഷമാണ് നല്കിയത്. ആലയില് 866 വോട്ടുകളുടെ ഭൂരിപക്ഷം നല്കി.
വോട്ടെണ്ണലിന്റെ തുടക്കം മുതല് സജി ചെറിയാന് ലീഡ് വിടാതെ തന്നെ മുമ്പോട്ട് പോയി. ആദ്യം എണ്ണിയ തപാല് വോട്ടുകളില് 40 വോട്ടുകളില് എല്ലാ വോട്ടുകളും സജി ചെറിയാന് കിട്ടി. നാലു സര്വീസ് വോട്ടുകളില് രണ്ടെണ്ണം എല്ഡിഎഫിനും രണ്ടു വോട്ടുകള് യുഡിഎഫിനും കിട്ടി. 799 തപാല് വോട്ടുകളായിരുന്നു ചെങ്ങന്നൂരില് എണ്ണേണ്ടിയിരുന്നത്. എന്നാല് തപാല് സമരം മൂലം വോട്ടുകള് എണ്ണാന് കിട്ടിയില്ല.
സര്ക്കാരിന്റെ വിലയിരുത്തലാകുമെന്ന് പ്രഖ്യാപിക്കപ്പെട്ട തെരഞ്ഞെടുപ്പില് യുഡിഎഫ് പക്ഷേ രണ്ടാം സ്ഥാനത്ത് എത്തുകയുണ്ടായി. വോട്ടെണ്ണല് അവസാന ഘട്ടത്തിലേക്ക് കടക്കുമ്പോള് വിജയം ഉറപ്പാക്കിയ സജി െചറിയാന് വന് സ്വീകരണം നല്കുന്ന തിരക്കിലാണ് എല്ഡിഎഫ് ്രപവര്ത്തകര്. വിജയാഹ്ളാദവും തുടങ്ങിക്കഴിഞ്ഞു.
