ജാല്ഗണ്: പൊതുകിണറ്റില് ഇറങ്ങി കുളിച്ചതിന് മൂന്ന് ദളിത് കുട്ടികളെ ഉയര്ന്ന ജാതിക്കാര് നഗ്നരാക്കി നടത്തയ ശേഷം ക്രൂരമായി മര്ദ്ദിച്ചു. മഹാരാഷ്ട്രയിലെ ജാല്ഗണ് ാണ് വകാഡി ഗ്രാമത്തിലാണ് സംഭവം. ചൂടു സഹിക്കാന് കഴിയാതെയാണ് കുട്ടികള് ഞായറാഴ്ച കിണറ്റില് നിന്ന് കുളിച്ചത്. കുട്ടികളെ മര്ദ്ദിക്കുന്ന ദൃശ്യങ്ങള് ഇന്നലെ സോഷ്യല് മീഡിയയിലൂടെ പുറത്തുവന്നിരുന്നു.
സംഭവത്തില് രണ്ടു പേര് അറസ്റ്റിലായതായി മഹാരാഷ്ട്രീ സാമൂഹ്യ നീതി മരന്തി ദിലീപ് കാബ്ലി പറഞ്ഞു. കൂടുതല് അന്വേഷണം തുടരുകയാണ്. സംഭവത്തില് കേന്ദ്ര സാമൂഹ്യക്ഷേമമന്ത്രി രാംദാസ് അതവാലെ അപലപിച്ചു. കുട്ടികള്ക്കെതിരായ ആക്രമണത്തില് കര്ശന നടപടി വേണമെന്നും രാംദാസ് പറഞ്ഞു.
12-14 വയസ്സ് മധ്യേ പ്രായമുള്ളവരാണ് കുട്ടികള്. ഇവര് കിണറ്റില് ഇറങ്ങഇയതായി വാര്ത്ത പരന്നതോടെ ഉന്നത സമുദായക്കാര് എല്ലാം പ്രദേശത്ത് ഒരുമിച്ച് കൂടുകയും കുട്ടികളെ പിടികൂടി ഗ്രാമത്തിലൂടെ നഗ്നരാക്കി നടത്തുകയുമായിരുന്നു. തുടര്ന്ന് ഇവരെ അടിച്ചു. ഒരാള് വടി കൊണ്ടും മറ്റൊരാള് ലതര് ബെല്റ്റുകൊണ്ടുമാണ് ഇവരെ അടിച്ചത്. ചെരുപ്പ് മാത്രമാണ് കുട്ടികള് ധരിച്ചത്. നാണം മറയ്ക്കാന് ഇവര് ഇലകള് ചേര്ത്തുപിടിച്ചിരുന്നു.
സംഭവത്തില് കുട്ടികളുടെ കുടുംബവും പോലീസിന് പരാതി നല്കിയിട്ടുണ്ട്.
