മുംബൈ: ചരിത്രത്തിലെ ഏറ്റവും കുറഞ്ഞ മൂല്യത്തിലാണ് രൂപയുടെ വ്യാപാരം ഇന്ന് ആരംഭിച്ചിത്. 29 പൈസയുടെ നഷ്ടമാണ് രൂപക്ക് ഉണ്ടായത്. കഴിഞ്ഞ ദിവസം 19 മാസത്തെ ഏറ്റവും കുറഞ്ഞനിലയിലാണ് രൂപ വ്യാപാരം അവസാനിപ്പിച്ചത്. രൂപയുടെ മുല്യം വ്യാഴാഴ്ചയും ഇടിയുകയായിരുന്നു.
രൂപയുടെ മൂല്യം ഇടിയുന്നത് ഇന്ത്യന് സമ്പദ് വ്യവസ്ഥയെ പ്രതികൂലമായി ബാധിക്കും. ആഗോള വിപണിയില് ക്രൂഡ് ഓയില് വിലയിലുണ്ടാവുന്ന വര്ധനയാണ് രൂപയുടെ മുല്യം ഇടിയാനുള്ള കാരണം. ബാരലിന് 72.76 ഡോളറാണ് ഇപ്പോഴത്തെ എണ്ണവില. എണ്ണവില ഉയര്ന്നനിലയില് തുടരുന്നതാണ് രൂപക്ക് തിരിച്ചടിയാവുന്നത്.
2013 ഓഗസ്റ്റ് 28-ന് 68.80 രൂപയായതാണ് ചരിത്രത്തിലെ ഏറ്റവും താഴ്ന്ന വിനിമയ നിരക്ക്. ക്രൂഡ് ഓയില് നിരക്കിലെ വര്ധനവും വിനിമയ നിരക്കിലെ ഇടിവും ഇന്ത്യക്ക് ഒരേ സമയമുള്ള രണ്ട് ആഘാതങ്ങളാണെന്ന് വിദഗ്ധര് അഭിപ്രായപ്പെട്ടു. ബാങ്കിങ് മേഖലയെ കുറിച്ച് അത്ര നല്ല ചിത്രമല്ല ഇപ്പോള് ആര്.ബി.ഐയും നല്കുന്നത്.
